Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, пакистанлы әһли-сүннә мүфтиси Әлламә Һејдәр Әләви дејиб ки, һәҹҹ Сәудијјә режиминин нифагы сәбәбилә јаранмыш бир фүрсәтә чеврилиб.
Исламабадда мәтбуата ачыглама верән Пакистан мүфтиси али дини рәһбәр Ајәтуллаһул-үзма Хаменеинин һәҹҹ рәһбәрлијинин Сәудијјә режиминин әлиндән алынмасы илә бағлы бәјанатыны мүсбәт гаршыладыгларыны дејиб.
Һәҹҹ мәрасиминин дүзҝүн идарә олунмадығыны дејән Һејдәр Әләви, бунун үчүн дә мүсәлманларын бу мәнәви ваҹибатын рәһбәрлији үчүн бир чарә дүшүнмәли олдуғуну вурғулајыб.
"Мәккә истәр шиә, истәр сүнни олсун, бүтүн мүсәлманлара аиддир. Сәудијјә Әрәбистаны һәҹҹ рәһбәрлијини өз инһисарында сахлаја билмәз вә һәҹҹин идарәчилији Ислам Әмәкдашлыг Тәшкилатына верилмәлидир", - дејә Пакистан мүфтиси билдириб.
Диггәт: Хәбәрдән истифадә етдикдә мәнбәјә истинад лазымдыр
