Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ислам Дүнјасынын илк нөвбәдә рәсми дүшмәни олан Вашенгтон Мијанма (Бирма) буддист дөвләти тәрәфиндән 2012-ҹи илин Ијун ајынын 10-дан башлајараг 2013-ҹү илин ахырларына кими Руһинҹа Мүсәлманларына гаршы гәддарҹасына һәјата кечиртдији Сојгырымы актларыны инкар етди.
АБШ хариҹи ишләр назирлијинин сөзчүсү Ҹон Кирби бу һагда ачыглама верәрәк рәсми АБШ-ын мөвгејини сәрҝиләди: “Бахмајараг ки, (мәсәлә) ајдындыр вә (азлыгда олан Руһинҹалылар) әзаб -әзијјәтлә үзләшибләр, (амма) биз һәлә дә, (бу ишләрин) сојгырым нүмунәси кими танынмасы һагда һеч бир рәјә ҝәлмәмишик.”
Хатырладаг ки, 2013-ҹү илин апрел ајынын әввәлләриндә дә радикал бүтәрәстләр, Мјанмада Мүсәлманлара аид орта мәктәбә һүҹум чәкәрәк, мәктәби јандырмыш вә нәтиҹәдә, 13 аз јашлы шаҝирдләр од тутуб јанараг, дүнјаларын дәјишмишләр.
Гејд едәк ки, рәсми статистикаја ҝөрә, 800.000 Руһингалы Мүсәлманын Мјанмада јашадыгларына бахмајараг, бу өлкә, Мүсәлманлара кимлик вәсигәси вә вәтәндашлыг вермәкдән бојун гачырыр. Бу сәбәбдән дә, өлкәдә әксәријјәт тәшкил едән бүдпәрәстләр, фүрсәти әлдән вермәјәрәк, Руһинга Мүсәлманларына гаршы сојгырымлар тәшкил едирләр.
Артыг өлкәдә вәзијјәт елә һәддә чатыб ки, бүтпәрәст радикаллар, вәтәндашлығы олан Мүсәлманлара да һүҹумлар чәкир вә онлара мадди вә мәнәви хәсарәтләр јетирирләр.
Диҝәр тәрәфдән исә, милјардларла иллик бүдҹәсинә пул хәрҹләнән БМТ кими тәшкилатлар, Фәләстин Торпагларында ишғалчы исраил режимин гурмагдан башга, бу ҝүнә кими һеч бир әмәли аддым атмамышдыр. Әксинә дүнјада зүлмүн бир аз да чохалмасына, көк салыб артмасына зәминә јаратмышдыр. Мјанмада буддистләрин Мүсәлманлара гаршы ҝөрдүкләри Сојгырымлар гаршысында да БМТ, садәҹә кағыз үзәриндә мөвҹуд вәзијјәтдән нараһат олдуғуну дилә ҝәтирмиш вә башга һеч бир ҹидди аддым ирәли атмамышдыр.
Диггәт: Хәбәрдән истифадә етдикдә мәнбәјә истинад лазымдыр
