Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Үмүмдүнја Мүсәлманларынын Рәһбәри Ајәтуллаһ Сејид Әли Хаменеи ҹәнаблары Чәршәнбә Ахшамы ҝүнү ахшам чағы Азәрбајҹан Республикасынын президенти Илһам Әлијевлә ҝөрүшдә ИИР вә Азәрбајҹанын чохлу ортаглыглары вә јахшы сијаси әлагәләринә ишарә едәрәк, дејибләр: “Ислами маарифин јајылмасы вә дини тәзаһүрләрә һөрмәт үмуми рәғбәтә вә халгын һәдәләр гаршысында һимајәсинә сәбәб олаҹаг.”
Азәрбајҹан һөкүмәтинин нүмајәндә һејәтинин дә иштирак етдији бу ҝөрүшдә Имам Хаменеи һәзрәтләри Иран Ислам Республикасынын Азәрбајҹан халгына бахышыны гардашлыг чәрчивәсиндә вә достлуг вә гоншулугдан даһа ҝениш олдуғуну билдирәрәк дејибләр: “Азәрбајҹан халгынын сијаси сабитлик, тәһлүкәсизлик, динҹлик вә үмуми рифаһы бизим үчүн сон дәрәҹә мүһүмдүр вә ики халгын гәлби анлашмасына ҝөрә, мүхтәлиф бөлмәләрдә һәмкарлыг вә игтисади мүбадиләләр артмалыдыр.”
ИИР вә Азәрбајҹан Республикасы халгларынын мәзһәби ортаглыгларына ишарә едән Имам Хаменеи һәзрәтләри вурғулајыблар: “Азәрбајҹан халгынын Ислами вә Шиә инамлары чох гијмәтли бир сәрмајәдир вә һәр нә гәдәр дөвләт бу тәзаһүр вә әгидәләрә һөрмәт едәр вә даһа артыг игбал ҝөстәрәрсә, халгын дөвләти һимајә етмәси вә онун бәзи фөвгәлгүдрәтләрин дүшмәнчиликләри гаршысында мүгавимәти даһа чох олаҹагдыр.”
О һәзрәт халглар арасында тәкфирчи групларын фитнәкарлыглары илә мүбаризәнин Ислами фәалијјәтләрдән асылы олдуғуну билдирәрәк, дејибләр: “Азәрбајҹан мәнтәгәси дини бахымдан көклү вә бәзи бөјүк Ислами алимләрин мејдана ҝәлдикләри јердир вә Азәрбајҹан халгы да аҝаһ вә сајыг бир халгдыр ки, дөвләтин дини фәалијјәтләрдә тәшвиги вә јардымы онун емосијаларынын ҹәлбиндә олдугҹа тәсирлидир.”
Үмүмдүнја Мүсәлманларынын Али Лидери Азәрбајҹан Республикасы президентинин ики өлкәјә гаршы һәдәләрин әксәријјәтинин мәнбәјинин ваһид олмасына даир сөзләрини тәсдиг едәрәк, әлавә едибләр: “Ислам вә Шиә маарифинин јајылмасы һәдәләр вә проблемләр гаршысында пак Имамлар(ә)-ин вә Аллаһын лүтфкарлыгларынын ҹәлбинә сәбәб олаҹаг.”
Иран Исла Республикасынын Президентинин дә иштирак етдији бу ҝөрүшдә Азәрбајҹан Республикасы президенти Теһран вә Бакынын јахын әлагәләринә тохунараг, Ислам Республикасындакы мүзакирәләрини олдугҹа мүһүм вә сәмәрәли адландырыб вә дејиб ки, мүштәрәк мәдәнијјәт, дин вә тарих ИИР илә Азәрбајҹан арасында дәрин бағлылыг јарадыбдыр.
О, ики өлкә арасында ондан јухары сәнәдин имзаланмасына тохунараг, икитәрәфли әлагәләри гардашҹасына вә чох јүксәк адландырыб вә дејиб: “Тиҹарәт, нәглијјат, енерҝетика вә сәнаје һәмкарлыглары саһәсиндә јахшы аддымлар атылыб вә чалышырыг ки, ики өлкә әлагәләри вә бирлијини бүтүн саһәләрдә ҝенишләндирәк.”
И. Әлијев Теһран илә Бакыны бејнәлхалг мәсәләләрдә ејни әгидәли адландырыб вә дејиб ки, ИИР дүнјада сүлһ вә сабитлијин бәргәрарында олдугҹа мүһүм рол ојнајыр вә биз Иран Ислам Республикасынын тәһлүкәсизлијини өз тәһлүкәсизлијимиз билирик.
И.Әлијев ики өлкәјә гаршы һәдәләрин бир мәнбәдән гајнагландығыны билдирәрәк, дејиб: Бу сәфәрдә разылыға ҝәлинди ки, ИИР-ын һәмкарлығы илә терроризмлә мүбаризә апараг ки, реҝионда сүлһ вә сабитлик бәргәрар олсун.
О, Ислами дәјәрләрә һөрмәти вурғулајараг, Азәрбајҹан Республикасы дөвләтинин дини хидмәтләринә тохунуб вә белә әлавә едиб: Азәрбајҹанын истиглалијјәти дөврүндә ики мин мәсҹид тикилибдир ки, онларын јарысы мәним мәсулијјәтим дөврүндә олубдур.
Азәрбајҹан Республикасы президенти анти-Ислам һәрәкәтләри мәзәммәт едәрәк, бу өлкәјә гаршы дүшмәнчиликләрин сәбәбини халгын дини етигадлары адландырыб вә Ислам Ингилабынын Бөјүк Рәһбәринә хитабән белә дејиб: Азәрбајҹанда Ислам вә Шиәлик халгын севимлисидир вә реҝионда Сизин кими бөјүк шәхсијјәтин варлығы да бизә бөјүк ҝүҹ вә енержи верир.
Диггәт: Хәбәрдән истифадә етдикдә мәнбәјә истинад лазымдыр
