Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сепаһын –Ислам Ингилабы Кешикчиләринин Гүдс бөлмү Ганлы Нардаран Фаҹиәси илә бағлы мөвгејини ачыглајараг, әлијевләр режиминин анти-шиә аддымларынын атма сәбәбләрини ачыглајараг бу ҹинајәтин ҹавабсыз галмајаҹағыны билдириб.
Һөрмәтли Бүрһан Һишмәти тәрәфиндән верилән гыса вә дәгиг анализдә режимин сон дәрәҹәдә сионист мејилли олдуғуну ачыглајыб:
Белә ҝөрүнүр ки, Азәрбајҹанда парламент сечкиләриндән сонра дөвләтин леҝитимлијинин зәифләмәсини һисс едән сионистләр шиәләрин сыхышдырылмасы илә бағлы Бакы гаршысында јени тәләбләр ирәли сүрүб. Бу әсасла, полис гүввәләринин Нардарана һүҹуму сионист режим вә Сәудијјә Әрәбистаны тәрәфиндән истигамәтләндирилән бир һадисәдир.
Азәрбајҹан Республикасы Дахили Ишләр Назирлији гүввәләринин (Мүтәшәккил Ҹинајәткарлыгла Мүбаризә Идарәси) икинҹи амансыз вә гәфил һүҹуму 2015-ҹи ил, нојабр ајынын 26-да ҹүмә ахшамы ҝүнү (14 сәфәр) баш вериб. Һүҹума мәруз галан үнванда ҹамаат намазында иштирак едән шиәләрдән 4 нәфәри шәһадәтә чатыб, 10 нәфәрдән артыг мөмин јараланыб. Азәрбајҹан Дахили Ишләр Назирлији иддиа едир ки, Мүсәлман Бирлији Һәрәкатынын үзвләринин полисә мүгавимәти заманы 2 полис әмәкдашы өлдүрүлүб. Амма Нардаранда олан мәнбәләр билдирирләр ки, полис әмәкдашлары тәһлүкәсизлик гүввәләри тәрәфиндән гәтлә јетирилиб. Мәгсәд полиси һүҹума мәруз галмыш тәрәф кими ҝөстәрмәк, бунунла да дәһшәти артырмаг, Нардаран шиәләри үзәринә һүҹума кечмәк олуб. Елә буна ҝөрә дә Дахили Ишләр Назирлији әмәлијјат баш верән јердә чәкилән филмләрин јајылмасына јол вермир. Азәрбајҹан Республикасынын интернет сајтларында шаһидләрин јерләшдирдији фотошәкилләр вә мүсаһибәләр ҝөстәрир ки, һүҹум заманы һөҹҹәтүлислам Тале Багирзадәнин имамәти илә намаз гыланлар полис гүввәләринә һеч бир мүгавимәт ҝөстәрмәјиб вә онларын ихтијарында һеч бир силаһ олмајыб. Онлар јалныз дини шүарлар сәсләндирибләр.
Азәрбајҹан Республикасынын баш верән һадисәләрдән бәһрәләнмә ҹәһдләри ҝөстәрир ки, Дахили Ишләр Назирлији әввәлҹәдән һазырланмыш ссенари әсасында 2 полис әмәкдашыны гурбан вериб, бунунла шәраити ҝәрҝинләшдирмәјә чалышыб. Белә бир вәзијјәтдә әһалидә горху јаратмаг, репрессијалары ҝүҹләндирмәји нәзәрдә тутублар. Мүсәлман Һәрәкаты Бирлијинин Ҝәнҹә шәһәриндәки 2 үзвү дә анти-сионист вә анти-тәкфирчи мөвгеләринә ҝөрә һәбс едилибләр. Артыг белә мүнасибәт Азәрбајҹан әһалисини тәәҹҹүбләндирмир. Дахили Ишләр Назирлији Ҝәнҹәдә һәбсә алынан 2 шәхси дә мәзһәкәли бир шәкилдә гумбара вә наркотик маддәләр сахламагда иттиһам едиб. Азәрбајҹан Дахили Ишләр Назирлијинин хүсуси тәјинатлы гүввәләринин Нардарана һүҹуму илә ејни заманда Ләнкәран полис идарәсинин хүсуси бөлмәси шәһәр мәсҹидини мүһасирәјә алыб, руһани Һаҹы Сејид Елман Ағајеви һәбс етмәк үчүн әмәлијјат кечириб. Азәрбајҹан Республикасынын башга бир танынмыш руһаниси һөҹҹәтүлислам Һаҹы Зүлфүгар Микајилзадә Нардарана һүҹумла ејни вахтда Бакы полиси тәрәфиндән Биләҹәри гәсәбәсиндә һәбсә алыныб. Зүлфүгар Микајилзадә тәкфирчиләр вә вәһабиләрә гаршы сәрт чыхышлары илә таныныр.
Нардарана һүҹум вә гәсәбәнин мүһасирәјә алынмасы илә ејни заманда әразијә верилән су, ишыг вә газын Әрбәин мәрасимләри астанасында кәсилмәси ҝөстәрир ки, Азәрбајҹан Республикасынын мәзлум шиәләринә гаршы мәкрли бир план һазырланмышдыр. Бу планын иҹрасы илә Илһам Әлијевин президентлији дөврүндә шиә фәаллара гаршы икинҹи дәфә репресија далғалары һәјата кечир. Илк репресијалар 2011, 2012-ҹи илләрдә, әхлагсыз Еуровисион мусиги јарышмаларынын кечирилдији дөврә тәсадүф едирди. О заман Ислам партијасынын рәһбәри Мөвсүм Сәмәдов, Милли-мәнәви Дәјәрләр Ҹәмијјәтинин сәдри Һаҹы Абҝүл Сүлејманов, һөҹҹәтүлислам Фәрамәз Аббасов, Ислам Партијасынын Астара шөбәсинин сәдри Руһуллаһ Ахундзадә, онларла башга руһани вә фәал Бакы, Ҝәнҹә, Ләнкәран, Масаллы, Ҹәлилабад вә диҝәр мәнтәгәләрдә һәбсә алынмышды. Фәаллардан һәбсханада шәһадәтә чатаны да олуб. Диҝәрләри һәлә дә һәбсдәдир. Азәрбајҹан Республикасы шиәләринә гаршы репрессијаларын биринҹи далғасында Һаҹы Талеһ Багирзадә дә һәбсә алынмышды. О заман һәлә Мүсәлман Бирлији Һәрәкаты јарадылмамышды. Һаҹы Талеһ Багирзадә 2015-ҹи илдә һәбсдән азад едилди. Һәлә һәбсдә олдуғу заман Һаҹы Талеһ Багирзадә Мүсәлман Бирлији Һәрәкатынын јарадылмасы илә бағлы бәјанат вермишди. Һәбсдән азад оландан сонра Азәрбајҹан Республикасынын шиә фәаллары илә бирликдә Мүсәлман Бирлији Һәрәкаты фәалијјәтә башлады. Гыса бир мүддәтдә гурум Азәрбајҹанда ән фәал вә нүфузлу гурумлардан биринә чевирилди. Һәрәкатын әдаләтсизлијә, зүлм вә коррупсијаја гаршы сивил мүбаризәси тәкҹә өлкә дахилиндәки коррупсионерләри јох, ејни заманда онларын хариҹдәки һамиләрини тәшвишә салды. Дини маарифин јајылмасы вә өлкә әһалисинин шиә кимлијинин ҹанланмасында Мүсәлман Бирлији Һәрәкаты өтән бир илдә ҹидди фәалијјәт ҝөстәриб, мүхтәлиф конфранслар кечирилиб, һәрәкатын фәалијјәтләри ҝениш иҹтимаијјәт арасында вә веб-фәзада өз әксини тапыб. Бу фәалијјәтләр Азәрбајҹан Республикасынын рәсми гурумларынын динә нәзарәт едән органларыны тәшвишә салыб, толерант Азәрбајҹан модели үзәриндә сионист гурумлар вә гәрблә әмәкдашлыг едәнләрин ниҝаранчылығы артыб.
Һәгигәт будур ки, сон илләрдә Азәрбајҹан Республикасында дини мәрасимләр, шиә һәјат тәрзи ҹанланыб, Һүсејн (ә) әзадарлыг мәрасимләри, хејријјә мәҹлисләри, мәһәррәм вә сәфәр ајларында еһсан сүфрәләри ачылмасы рөвнәгләниб. Һәр ил бу мәрасимләр даһа да ҝүҹләнир. Амма Бакы дөвләти өтән илләрдә азғын фиргәләрә, бәһаиләрә, вәһабиләрә, тәкфирчиләрә өлкәдә тәблиғ јолу ачыб, амма шиә мәзһәбинин инкишафы илә бағлы ниҝаранчылығыны бүрузә вериб. 28 нојабрда Азәрбајҹан гәзетиндә нәшр олунмуш мәгаләдә, Тренд вә диҝәр хәбәр аҝентликләриндә ҝедән јазыда шиә мәзһәбинә ачыг һүҹум едилиб, Ислам дини заһири әрәб, маһијјәти фарс бир идеолоҝија кими Азәрбајҹана лазымсыз әгидә кими ҝөстәрилиб. Дөвләт органларынын һәгиги Ислам маарифинин өлкәдә јајылмасына гаршы бүтүн тәдбирләринә вә тәблиғатларына бахмајараг халг өз шиә кимлијинин ҝүҹләндирилмәсиндә исрарлыдыр. Дөвләт һәм дә Советләр Бирлијиндән галмыш атеист тәфәккүрүнү, һәјат тәрзини ојатмаға тәлаш ҝөстәрир. Халгла дөвләт арасында јаранмыш бу фикир ајрылығы сәбәб олуб ки, дөвләт органлары халга, хүсуси илә шиәләрә гаршы репрессијалар апарсын. Һазырда Азәрбајҹан Республикасында шиәләрә гаршы тәзјигләр Бәһрејн шиәләринә гаршы тәзјигләрлә мүгајисә олуна биләр.
14 сәфәр, ҹүмә ахшамы ҝүнү ҝүндүз Нардаранда баш верән һадисә о гәдәр ағыр олуб ки, ону Сәудијјә Әрәбистанында вәһабиләрин әзадарлара һүҹумуна бәнзәтмәк олар. Һансы ки дөвләт гурумлары плүрализм вә толерантлыг принсипләринә сәдагәтиндән данышыр, ејни заманда өлкә әһалиси арасында әксәријјәт тәшкил едән шиәләр бу принсипләрдән фајдалана билмир. Амма бәһаиләр, диҝәр азғын фиргәләр плүрализм вә толерантлыг пәрдәси алтында Бакы вә диҝәр шәһәрләрдә активлик ҝөстәрирләр. Милли Тәһлүкәсизлик Назирлији Елдар Маһмудов вәзифәдән кәнарлашдырылдыгдан сонра вәһабиләрин фәалијјәтинин ҝенишләндирилмәси илә бағлы әмәкдашлыглар мәтбуатда ифша олунду. Ајдын олду ки, бу фәалијјәтләр бирбаша Милли Тәһлүкәсизлик Назирлији тәрәфиндән һимајә вә идарә олунурмуш.
Нардаранда Әбулфәзл Бүнјадовун евиндә мәҹлисә силаһлы һүҹум нәтиҹәсиндә 4 мөмин орадаҹа шәһадәтә чатмышдыр. Белә бир горху вар ки, јаралылар тәһлүкәсизлик гүввәләри тәрәфиндән сонрадан гәтлә јетирилсин. Мәҹлисә сөһбәт үчүн дәвәт олунмуш Һаҹы Тале Багирзадә, ев саһиби Әбүлфәзл Бүнјадов вә диҝәр 12 нәфәр Мүтәшәккил Ҹинајәткарлыгла Мүбаризә Идарәсинин әмәкдашлары тәрәфиндән һәбсә алынмышдыр вә һазырда һәмин идарәдә амансыз ишкәнҹәләрә мәруздурлар. Һәмин мәҹлисдә иштирак етмәмиш Зүлфүгар Микајилзадә сонрадан һәбсә алыныб. Тәәссүф ки, Иранда да бу мөвзуда хәбәрләрә јол бағланыб. Һансы ки Азәрбајҹан Республикасында шиәләрин мәруз галдығы зүлм Бәһрејндә шиәләрә гаршы зүлмдән даһа ағырдыр.
Өтән ил Азәрбајҹанын мүхтәлиф мәнтәгәләриндә кечирилән мәһәррәм әзадарлығы мәрасимләри арасында Нардарандакы Ашура мәрасими өз әзәмәти илә сечилиб. Бу мәрасим коммунист режиминин галығы олан атеистләри горхуја салыб. Азәрбајҹан Республикасында һәлә дә һакимијјәтдә беләләри вар. Атеистләрлә иттифагда олан вәһабиләр, нурчулар, сионист режимә бағлы гүввәләр дә Азәрбајҹан Республикасында шиәләрин әзадарлыг мәрасимләринә ҝөрә нараһатдырлар. Сон һәфтәләрдә Азәрбајҹанда телевизија шәбәкәләри вә мәтбуатда әзадарлыг зиддинә материаллар ҝениш јер алыб. Бу материаллар мөвҹуд анти-шиә ниҝаранчылығыны ашкар ҝөстәрир. Анти-шиә тәблиғатында әзадарлыг мәрасимләри илә бағлы шүбһә јарадан Фазил Гәзәнфәр оғлу, Елшад Мири, Агил Әләсҝәр вә башгалары әслиндә дөвләт гурумларынын тәблиғат машыныдыр вә халга дини експерт кими тәгдим олунур. Азәрбајҹан Республикасында шиә мәзһәби әлејһинә тәблиғат васитәләринин әлиндә бәһанәләрдән бири дә будур ки, өлкәнин танынмыш шиә руһаниләри шиә мәрҹә алимләринә бөјүк севҝи ҝөстәрир. Һөҹҹәтүлислам Тале Багирзадә Азәрбајҹан Республикасында сәфәрдә олан Ајәтуллаһ Нури Һәмәданинин әлини өпмәклә она өз еһтирамыны билдирмишдир. Бунун ардынҹа Дини Гурумларла Иш үзрә Дөвләт Комитәсинин төвсијәләри әсасында информасија васитәләриндә Һаҹы Тале Багирзадә вә диҝәр шиә руһаниләрә фәаллара гаршы ҝениш мигјаслы компанија апарылмышдыр. Дәјәрли шиә руһаниләр милләтдән узаг, Ирана бағлы үнсүрләр кими тәгдим олунмушдур. Гаршы тәрәф бу фәалијјәтләрлә Азәрбајҹан Республикасында халг күтләләринин шиә мәзһәбинә мејлини әнҝәлләмәк истәмиш, бу мәгсәдлә шиә фәаллары нүфуздан салмаға чалышмышдыр. Амма бу фәалијјәтләрин һеч бири нәзәрдә тутулан нәтиҹәни вермәјиб. Мәһәррәм вә сәфәр ајларынын сон онҝүнлүкләриндә кечирилән әзадарлыг мәрасимләри вә охунан хүтбәләр ҝөстәрир ки, Бакы тәблиғат машыны нәзәрдә тутулан нәтиҹәјә чата билмир. Һаҹы Тале Багирзадә өлкәбоју, о ҹүмләдән Нардаранда, Мәштағада, Ләнкәранда, Ҝәнҹәдә сәфәрләрдә олуб, онун сөһбәтләри чохсајлы ҝәнҹләр тәрәфиндән севҝи илә гаршыланыб. Бу арада Азәрбајҹан дөвләт гурумлары вә шиә дүшмәнләриндән асылы олмајан сәбәбләрдән вәһабиләр, сионистләр, нурчулар даһа чох ифша олунублар. Милли Тәһлүкәсизлик Назирлији Елдар Маһмудовун ишдән кәнарлашдырылмасы, ән азы 20 јүксәк рүтбәли забитин һәбси Илһам Әлијевә гаршы дөвләт чевирилишинә һазырлыгла әлагәләндирилмишдир. Мәтбуатда јазылыр ки, Русија президенти Владимир Путин Илһам Әлијеви она мәлум олмајан бир сыра материалларла таныш етмишдир. Бундан сонра Азәрбајҹан президенти Милли Тәһлүкәсизлик Назирлијинә, шиә фәаллара әсас тәзјиг органы олан бир гурума ҝүҹлү зәрбә вурмушдур. Бунун нәтиҹәсиндә Тәһлүкәсизлик Назирлији илә вәһаби вә тәкфирчи ҹәрәјанлар арасындакы әлагәләр ачыгланмышдыр. Јаранмыш шәраитдә анти-шиә вәһабиләрин Сурија әмәлијјатларына гатылмасы илә бағлы ҹинајәтләри онларын вә онларын һамиләринин зәрәринә тамамланмышдыр. Туркијәдәки дахили ихтилафлар сәбәбиндән вәһабиләрлә ејни заманда нурчулар да ифша олунмушдур. Бу ҹәрәјанын шиәлик әлејһинә фәалијјәтләри онун өзү, елеҹә дә атеист вә сионист һамиләри үчүн чох да сәмәрәли олмамышдыр.
Белә бир шәраитдә иҹтимаи фикри аздырмаг үчүн шиәләрин әзадарлыг мәрасимләринә полисин силаһлы басгынлары бир васитә сечилмишдир. Әрбәин астанасында Дахили Ишләр Назирлији гүввәләринин Нардарана басгыны бүтүн антишиә груплар, сионистләр, вәһабиләр, нурчулар тәрәфиндән рәғбәтлә гаршыланмышдыр. Нојабр ајынын әввәлләриндә парламент сечкиләринин исламчы тәшкилатлар тәрәфиндән бајкот едилмәси бу сечкиләрин леҝитимлијини шүбһә алтына алмыш, һәтта Авропанын бир чох гурумлары сечкиләри тәнгид етмишдир. Сионист режим тәрәфиндән ҝөндәрилмиш вә сабиг Исраил хариҹи ишләр назири Либерманын башчылыг етдији групун сечкиләрин дүзҝүнлүјүнү тәсдиг етмәси истеһса илә гаршыланмышдыр.
Сечкиләрдән сонра дөвләтин леҝитимлијинин зәифләдијини һисс едән сионистләр Бакы гаршысында шиәләрин репрессијасы илә бағлы јени тәләбләр гојмушдур. Нардарана һүҹум, республика боју шиәләрә гаршы репрессијалар сионист режим вә Сәудијјә Әрәбистаны тәрәфиндән идарә едилән бир просесдир. Азәрбајҹан дөвләти дә өз нөвбәсиндә ИСЕСҸО-нун Бакыда кечирилән топлантысындан, диггәтин Сурија, Ираг вә Јәмәндәки бөһранлара јөнәлмәсиндән бәһрәләнәрәк белә бир амансыз әмәлијјата гәрар вермишдир.
Кечмишдә дә шиә мәрҹә алимләри Азәрбајҹан шиәләрини һимајә едәндә, онларын һиҹаб һүгугунун мүдафиәсинә галханда Бакы охшар шәкилдә һамыны габаглајараг Нардаран, өлкә шиәләри, Гум Елм Һөвзәсинә гаршы гарајахма кампанијасы апармышдыр. Бүтүн бунлар ҝөстәрир ки, Бакы Иран Ислам Республикасынын шиәләр вә дүнја мүсәлманларыны һимајәсиндән чох ниҝарандыр. Сон илләрдә Бакы бәзи мәлуматсыз сијаси даирәләрин хош мүнасибәтиндән суи-истифадә едәрәк Иран информасија дипломатијасыны Азәрбајҹан һадисәләринә мүнасибәтдә јајындырмаг үчүн бир нөв бупер золағы јаратмыш, анти-шиә сијасәтләрини белә бир шәраитдә һәјата кечирмишдир. Белә ҝөрүнүр ки, Бакы сон ҹинајәт заманы да Иран тәрәфинин хош мүнасибәтиндән суи-истифадә етмишдир. Амма һеч шүбһә јохдур ки, Нардаран шәһидләринин ганы бу өлкә мүсәлманларынын аҝаһлығыны ҝүҹләндирәҹәк.
Диггәт: Хәбәрдән истифадә етдикдә мәнбәјә истинад лазымдыр
