Иранын мүдафиә назири Түркиjә, Ливан вә Пакистанын мүдафиә назирләри илә ҝөрүшүб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иранын мүдафиә назири Түркиjә, Ливан вә Пакистанын мүдафиә назирләри илә ҝөрүшүб
Иран Ислам Республикасынын мүдафиә вә силаһлы гүввәләрә дәстәк назири Түркиjә, Ливан вә Пакистанын мүдафиә назирләри илә ҝөрүшүб.
ЫРНА-нын мәлуматына ҝөрә, Иран Ислам Республикасынын мүдафиә вә силаһлы гүввәләрә дәстәк назири ҝенерал-маjор Һүсеjн Деһган дүнән ахшам Түркиjәнин Истанбул шәһәриндә беjнәлхалг Али Сүлһ иҹласынын кәнарында өз түркиjәли, ливанлы вә пакистанлы һәмкарлары илә ҝөрүшләрдә онларла икитәрәфли мүнасибәтләри, реҝионал вә беjнәлхалг һадисәләр барәдә фикир мүбадиләси апарыб.
Иранын мүдафиә назири Түркиjәнин мүдафиә назири илә ҝөрүшдә өлкәсинин икитәрәфли мүнасибәтләри ҝенишләндирмәjә һазыр олдуғуну билдириб.
Түркиjәнин мүдафиә назири Исмәт Јылмаз да бу ҝөрүшдә Иран илә Түркиjәнин реҝионда ики мүһүм вә тәсирли өлкә олдуғуну билдирәрәк, өлкәсинин мүдафиә сәнаjеси саһәсиндә һәмкарлыглары ҝенишләндирмәjә һазыр олдуғуну вурғулаjыб.
Ҝенерал-маjор Деһганын иванлы вә пакистанлы һәмкарлары илә ҝөрүшләриндә дә икитәрәфли мүнасибәт вә һәмкарлыглар арашдырылыб.
Диггәт: Хәбәрдән истифадә етдикдә мәнбәjә истинад лазымдыр