Әфхәм: Азәрбаjҹан Гәрбин Ирана гаршы санксиjаларынын ләғвини өз марагларына уjғун саjыр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Азәрбаjҹан Республикасы Гәрбин Иран Ислам Республикасына гаршы санксиjаларынын ләғвини өз марагларына уjғун һесаб едир вә Иран илә 5+1 групу арасында әлдә олунаҹаг анлашманын реҝионда сүлһ, сабитлик вә тәһлүкәсизлиjин мөһкәмләнмәсинә сәбәб олаҹағына үмидвардыр.
Исвечрә бәjаннамәсинин гираәт вә Иран илә 5+1 групу арасында Иранын нүвә иши илә бағлы ихтилафлы мәсәләләрин һәлли истигамәтиндә мүштәрәк бир анлашманын әлдә олунмасынын елан олундуғу илк саатларда, бу мәсәлә реҝионал вә беjнәлхалг сәвиjjәдә ҝениш реаксиjаларла үзләшмиш олду. Азәрбаjҹан Республикасынын Хариҹи Ишләр Назирлиjи дә бир бәjанат jаjараг, Иран вә 5+1 групу арасында әлдә олунмуш анлашманы мүсбәт гаршылады вә Гәрбин Иран Ислам Республикасына гаршы санксиjаларынын ләғвинин Азәрбаjҹанын марагларына уjғун олдуғуну билдирди.
Иран Ислам Республикасы Хариҹи Ишләр Назирлиjинин сөзчүсү гоншу вә дост өлкәләрин бу мәсәлә илә бағлы мүсбәт вә конструктив бахышларына ҝөрә тәшәккүр едиб вә деjиб: Лозанна анлашмасынын ардынҹа дост өлкәләр "Иранын гәләбәси" ифадәсиндән ҝениш формада истифадә едәрәк, бу мүнасибәтлә Иран Ислам Республикасыны тәбрик етдиләр. Әлбәттә, геjд етмәк лазымдыр ки, мүзакирәләрин ҝедиши ирәлиjә доғрудур вә һәлә jекунлашмаjыб вә давам едир. Јекун анлашмаjа наил олмаг үчүн гаршыда чәтин вә һәссас бир jол вар. Һәлә jекун анлашмаjа наил олмамышыг. Мәсәләнин күллиjjаты вә деталлары арашдырылмагдадыр.
Мәрзиjjә Әфхәм әлавә едиб: Гоншу өлкәләрин Иранла бағлы һадисәләри jахындан изләмәләри вә бу мәсәләләрлә бағлы мүсбәт бахыша малик олмалары тәгдирәлаjигдир. Бахмаjараг ки, өтән илләр әрзиндә дә биз гоншу өлкәләрлә jахшы мүнасибәтләрә малик олмушуг, амма нүвә иши илә бағлы jарадылан бу сүни бөһранын өз һәллини тапмасы вә санксиjаларын ләғв едилмәсинин ардынҹа реҝион вә дүнjа өлкәләри илә әлагәләримизин даһа да ҝенишләнәҹәjинә үмидварыг.
Әфхәм даһа сонра Иран илә Азәрбаjҹан Республикасы арасындакы әлагәләрә ишарә едәрәк, деjиб: Азәрбаjҹан Республикасы бир бәjанат jаjараг, Иран вә 5+1 групу арасында әлдә олунмуш анлашманы мүсбәт гаршылады. Һәр ики өлкә jүксәк әмәкдашлыг потенсиалына маликдир. Үмидварыг анлашмалар вә мүзакирәләр өз мүсбәт тәсирини бу дост вә гардаш өлкә илә әлагәләрдә дә өзүнү бирузә версин.
Иранын Хариҹи Ишләр Назирлиjинин сөзчүсү даһа сонра деjиб: Реҝиондакы достларымызын Иранын нүвә технолоҝиjасындан динҹ мәгсәдләр үчүн истифадә һаггына һөрмәтлә jанашмалары вә беjнәлхалг ганунлар әсасында фәалиjjәт ҝөстәрән өлкәләрин тәзjигә мәруз галмасы илә разылашмамалары бизи даһа да руһландырыр.
Диггәт: Хәбәрдән истифадә етдикдә мәнбәjә истинад лазымдыр