Рәҹәб, төвбә вә дуаларын гәбул олунан Мүбарәк Ај дахил олур – Бу ҝеҹәнин әмәлләри

Әһли Бејт (әлејһимус сәлам) -АБНА- Хәбәр Аҝентлији- Бу ҝеҹә Һиҹри Гәмәри тәгвими илә мүбарәк Рәҹәб ајы дахил олур. Рәҹәб - гәмәри ајларынын једдинҹиси вә һарам ајларын дөрдүнҹүсүдүр. Һз.Әли(ә) бујурур: “Рәҹәб мәним ајым, Шәбан Пејғәмбәрин(с) ајы, Рамазан ајы исә Аллаһ-тааланын ајыдыр”. Бу ај вә бу ајдан сонра ҝәләҹәк мүбарәк Шәбан ајы бәндәләрин Халигләри олан, Аләмләрин Пәрвәрдиҝары ҹәнаб Аллаһ Тәаланын гонаглыг ајы, мүбарәк Рамазан ајы үчүн һазырлыг ајыдыр. Чохлары бу мүбарәк ајда Аллаһ Ҹәллә Ҹәлалуһун ҝениш рәһмәти сајәсиндә ҝүнаһын чиркинликләриндән тәмизләнә биләрәк, ләјагәт вә шәрафәт газанырлар.

Биз АБНА сајтынын коллективи олараг башда өзүмүзүн вә бүтүн дүнја мәзлумларынын (өзләринә зүлм едиб ҝүнаһ едәнләрин) бу ајда бағышланмасыны вә илаһи рәһмәтә говушараг онда мәһв олмасыны Уҹа Рәббимиздән аҹизанә диләјирик. Гој Аллаһ Тәала Заманын Имамынын шәрәфли ҝәлишини тезләшдирсин! Бизим һаммымызын онун әтрафында ҹәмләшиб өзүмүзү вә дүнјаны ислаһ едәк! Амин Ја Рәббәл Аләмин!


Мүбарәк Рәҹәб ајы һагда гыса мәлумат

Рәвајәтләрдә билдирилидији кими, Рәҹәб, Шабан вә мүгәддәс Рамазан ајлары илин ән фәзиләтли вахтларыдыр. Пејғәмбәр(с) бујурур ки, бу истиғфар (Аллаһдан бағышлнма истәмәк) ајыдыр вә она “Әсәбб” (чох төкүлән) дејилир, чүнки илаһи рәһмәт чох назил олур.
 

عن الصادق  علیه السلام: «إِذَا کَانَ یَوْمُ الْقِیَامَهِ نَادَى مُنَادٍ فِی بُطْنَانِ الْعَرْشِ أَیْنَ الرَّجَبِیُّونَ فَیَقُومُ أُنَاسٌ یُضِی‏ءُ وُجُوهُهُمْ لِأَهْلِ الْجَمْعِ عَلَى رُءُوسِهِمْ تِیجَانُ الْمَلِکِ مُکَلَّلَهً بِالدُّرِّ وَ الْیَاقُوتِ مَعَ کُلِّ وَاحِدٍ مِنْهُمْ أَلْفُ مَلَکٍ عَنْ یَمِینِهِ وَ أَلْفُ مَلَکٍ عَنْ یَسَارِهِ یَقُولُونَ لَهُ هَنِیئاً لَکَ کَرَامَهُ اللَّهِ یَا عَبْدَ اللَّهِ فَیَأْتِی النِّدَاءُ مِنْ عِنْدِ اللَّهِ جَلَّ جَلَالُهُ عِبَادِی وَ إِمَائِی وَ عِزَّتِی وَ جَلَالِی لَأُکْرِمَنَّ مَثْوَاکُمْ وَ لَأُجْزِلَنَّ عَطَایَاکُمْ وَ لَأُبَوِّئَنَّکُمْ مِنَ الْجَنَّهِ غُرَفاً تَجْرِی مِنْ تَحْتِهَا الْأَنْهارُ خالِدِینَ فِیها وَ نِعْمَ أَجْرُ الْعامِلِینَ إِنَّکُمْ تَطَوَّعْتُمْ بِالصَّوْمِ لِی شَهْراً عَظَّمْتُ حُرْمَتَهُ وَ أَوْجَبْتُ حَقَّهُ مَلَائِکَتِی أَدْخِلُوا عِبَادِی وَ إِمَائِی الْجَنَّهَ ثُمَّ قَالَ جَعْفَرُ بْنُ مُحَمَّدٍ«ع»  هَذَا لِمَنْ صَامَ شَیْئاً مِنْ رَجَبٍ وَ لَوْ یَوْماً وَاحِداً فِی أَوَّلِهِ أَوْ فِی وَسَطِهِ أَوْ فِی آخِرِه»
روضه الواعظین و بصیره المتعظین، ج ‏۲

Бу ҝөзәл ај барәдә Имам Ҹәфәр Садиг (әлејһи сәлам) белә бујуруб:

"Гијамәт ҝүнү ҹарчы әршин бәтниндән фәрјад чәкәрәрк "Ејнәр Раҹәбијјун? (Рәҹәб ајынын әһли һарададыр?)" Елә бу заман үзләри нурла парылдајан бир груп инсанлар ајаға галхар. Бу инсанларын башлары үзәринә дүрр вә јагутла зинәтләнмиш султанлыг таҹлары вардыр. Онларын һәр биринин һәм сағ вә һәм сол тәрәфиндә дуруб она "Аллаһын сәнә әта етдији бу кәрамәтләр мүбарәкин олсун!" сөзләрини дејән мин мәләк вардыр. Бу заман Аллаһ Ҹәллә Ҹәлалуһ тәрәфиндән нида ҝәләр: "Еј мәним гадын вә киши бәндәләрим! Иззәт вә ҹәлалыма анд олсун ки, сизин мүбарәк мәгамынызы әзиз тутаҹағам вә сизә чохлу сајда әталар бәхш едәҹәјәм вә чајлар ахан беһиштә сизә мәнзилләр верәҹәјәм. Сиз орада әбәди галаҹагсыныз. Вә бу чалышан кәсләр үчүн нә ҝөзәл мүкафатдыр. Сиз көнүллү сурәтдә - Мәнә хатир, һөрмәтини уҹа тутдуғум вә һаггынин риајәт олунмасыны ваҹиб билдијим бир ајда оруҹ тутдунуз. Еј мәним мәләкләрим! Бу киши вә гадын бәндәләрими беһиштә апарыныз!".

- Даһа сонра Имам Садиг (әлејһи сәлам) сөзләринә белә давам етди: “Бүтүн бу дејилән мүкафат о кәс үчүндүр ки, бу ајын бир мигдарынә, һәтта 1 ҝүн олса да белә ајын әввәлиндә, ортасында вә јахуд ахырында оруҹ тута".


Рәҹәб ајынын әмәлләриндән

Рәҹәб ајынын илк ҝеҹәси бу дуаны охумаг төвсијә едилмишдир: "Әллаһуммә бәрик ләнә фи раҹәбин вә шәбәнә вә бәллиғнә шәһра-Рамәзан" (Дуада Аллаһ Тәаладан 3 мүбарәк ајын - Рәҹәб, Шәбан вә Рамазан ајларынын фәзиләтләринин әта едилмәси истәнилир)

Рәҹаб ајынын илк ҹүмәсинин ҝеҹәси (јәни Рәҹәбин илк ҹүмә ахшамындан илк ҹүмәсинә кечән ҝеҹә) "лејләтул-рәғајиб" адланыр. Бу ҝеҹәни ибадәт вә дуаларла кечирмәк төвсијә олунуб.
Рәҹәб ајынын әввәл, орта вә ахыр ҝүнләриндә гүсл алмаг мүстәһәбдир вә бу әмәл ҝүнаһларын бағышланмасына сәбәб олар.

Рәҹәб ајынын бүтүн ҝүнләри оруҹ тутмаг мүстәһәбдир вә ҝүнаһларын бағышланмасына сәбәб олар. Һәр кәс дә гисмәт олан мигдарда бу ҝүнләрдән бәһрәләнә биләр.

Рәҹәб ајында ән азы 3 ҝүн оруҹ тутмағын чох бөјүк фәзиләти вардыр. О кәсләр ки, Рәҹәб ајында оруҹ тутмаг имканлары јохдур, онун јеринә сәдәгә версинләр (имканлары чәрчивәсиндә).

Оруҹ тутмаға имканы олмајан инсанлар, әвәзиндә бу дуаны да охуја биләр: “Субһанәл-илһил-ҹәлил, субһанә мән ла јәнбәғит тәсбиһу илла ләһ, субһанәл-ә’әззил-әкрәм, субһанә мән ләбисәл ‘иззә һува ләһу әһл”.

Рәҹәб ајында Мәсумларын (ә) мүбарәк һәрәмләрини зијарәт етмәјин бөјүк фәзиләти вардыр.

Рәҹәб ајында төвбә вә истиғфар етмәјин вә тәһлил (лә иләһә илләллаһ) демәјин бөјүк фәзиләти вардыр.

Һәзрәт Рәсулуллаһдан (с) нәгл едилир: "Һәр ким Рәҹәб ајында 100 дәфә сөјләјә: "әстәғфируллаһәл - ләзи лә иләһә иллә һувә вәһдәһу лә шәрикә ләһу вә әтубу иләјһ" вә охудуғу дуаны сәдәгә илә хәтм едә (дуаны охудугдан сонра сәдәгә верә), Аллаһ Тәала да онун дурумуну рәһмәт вә бағышлама илә хәтм едәр. Вә һәр ким (бу зикри) 400 дәфә десә, онун үчүн 100 шәһидин савабы јазылар".

Рәҹәбин 15-нин ҝеҹәсиндә (14-дән 15-нә кечән ҝеҹә) 12 рүкәт намаз риҹаән (гәбул олма үмиди) нијјәти илә гылмаг бәјәнилмишдир;

Рәҹәб ајынын 15-дә гүсл алмаг, оруҹ тутмаг, Имам Һүсејни (ә) зијарәт етмәк - бәјәнилмиш әмәлләрдәндир.

Рәҹәб ајында чох дејилмәси төвсијә едилән зикрләрдән: "Әстәғфируллаһә вә әс-әлуһут-тәвбә"
Гејд:Ислам тәгвиминдә ән фәзиләтли  ҝеҹәләрдән бири олан  Лејләтул рәғаиб(Рәғаиб ҝеҹәси)Рәҹәб ајынын биринҹи ҹүмә ҝеҹәсинә(ҹүмә ахшамы ҝүнү шам азанындан сонра) тәсадүф едир.Бу ҝеҹәнин хүсусијјәт вә әмәлләри барәдә иншаАллаһ мәлумат верәҹәјик.



Диггәт: Хәбәрдән истифадә етдикдә мәнбәјә истинад лазымдыр