Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 11 Апрел, 2015 тарихдә јерли вахтла 20:00 радәләриндә Бангладеш Ҹәмаәт Ислами партијасынын лидери Муһәммәд Гәмәр Заман 1971- ҹи илдә баш верән мүһарибәдә күтләви гырғынлар төрәтмәкдә тәгсирли билиндији үчүн едам олунуб.
Вәкил Шишир Мунир дә, мүвәккили Муһәммәд Гәмәр Заманын едам хәбәрини тәсдигләјәрәк билдириб: “Муһәммәд Гәмәр Заман әфв олунмасы илә әлагәдар өлкә президентинә мүраҹиәт етмәкдән чәкиндији үчүн онун едам һөкмү иҹра олунду.”
Гејд едәк ки, Бангладеш Халг Ҹумһуријјәти Пакистан мејилли јарымһәрбичи дәстәләрин башчыларындан бири олан Муһәммәд Гәмәр Заманы 1971 –ҹи илдә өлкәнин мүстәгиллији заманы минәрлә бангладешлини оғурлајыб ишҝәнҹәләр вериб, күтләви сүрәтдә инсанлары өлдүрмәкдә иттиһам едиб.
Хатырладаг ки, Бангладеш 12-ҹи әсрдән 1757-ҹи илә кими Мүсәлманларын идарәсиндә олмушдур. 1757-1905-ә кими исә ишғалчы инҝилисләрин һакимијјәти алтына дүшмүшдүр. 1947-ҹи илдә Пакистанын "Шәрги Пакистан" әјаләти кими танынан бу әрази 1969-ҹу илә кими Пакистанын табечилијндә галмагда давам етди. Даһа сонра 1971-ҹи илдә Һиндистан - Пакистан мүһарибәси башладығы заман һәмин илин декабрында баша чатдыгдан сонра Һиндистан артыг Шәрги Пакистанын бөјүк бир һиссәсини ишғал етмишди. 1971-ҹи ил 22 декабрда Муҹиб-үр-Рәһман'ын башчылығы илә Бангладеш Мүсәлман Халг Ҹумһуријјәти јарадылыр вә Һиндистан бураны тәрк едир.
Диггәт: Хәбәрдән истифадә етдикдә мәнбәјә истинад лазымдыр
