Русиjанын чағырышы, Оманын дәстәjи, Сәуд мүхалифләри вә Американын "бармағы"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Јәмәнә һүҹум барәдә Сәудиjjә илә Америка аjлар өнҹә бир маса архасына ҝәләрәк разылыг әлдә етмишдиләр Сәудиjjә Әрәбистанынын Вашингтондакы сәфири Јәмән һүҹуму илә әлагәдар бир нечә аj бундан өнҹә АБШ илә ҝөрүшдүjүнү ачыглады.
Сәудиjjәнин АБШ-дакы сәфири Адел әл-Ҹәбир Јәмәнә олан һүҹумун АБШ-ын мәлуматы илә аjлар өнҹәки ҝөрүшләрдән сонра тәшкил едилдиjини билдириб.
Әл-Ҹәбир Сәудиjjә Әрәбистаны вә АБШ арасындакы ҝөрүшләрин сон һәфтәләрдә даһа сых олдуғуну вуғулаjыб. О, ачыгламасынын давамында исә Сәудиjjәнин тәшкил етдиjи һүҹумларын һәләлик садәҹә һавадан олдуғу, гуру әмәлиjjатларына исә еһтиjаҹ дуjмадыгларыны билдириб.
Сәудиjjәлиләр арасында Јәмәнә һүҹум мөвзусунда ихтилаф
Сәудиjjә Әрәбистаны мүхалиф групларындан "Әл-Ҹәзирә Ҝәнҹләр Бирлиjи"нин jаjдығы мәлуматда, Јәмәнә һүҹум мөвзусунда сәудиjjәли jүксәк сәлаһиjjәтли шәхсләр арасында анлашылмазлыгларын олдуғуну билдириб. Мәлуматда һәмчинин, бәзи әрәбистанлы шаһзадәләрин Јәмәнә һүҹумларын башладығы илк андан етираз етдикләрини, Сәудиjjә Әрәбистаны вәлиәһд Муғрин ибн Әбдүләзиз вә Мөтәб ибн Абдуллаһ ибн Әбдүләзизин дә һүҹума гаршы олдуғу билдирилиб. Сәудиjjә Әрәбистаны Јәмәнә һүҹум тәнзимләмәсини гынаjаркән, Јәмән халгынын бөjүк бир гәтиjjәтлә бу вәһши тәҹавүз гаршысында мүгавимәт сәрҝиләjәҹәкләрини вурғулаjыб.
Сәудиjjәнин "Әл-Ҹәзирә Ҝәнҹләр Бирлиjи" Јәмәнә олан һүҹуму гынамагла jанашы, Јәмән халгынын да бу вәһши тәҹавүз гаршысындамүбаризә едәҹәjини билдириб.
 Русиjа: Јәмәни гарышдыранлар онун нәтиҹәләри илә дә барышмалы олаҹаглар
 Русиjа хариҹи ишләр назиринин мүавини Михаил Богданов Јәмән вә Суриjа бөһранларынын данышыглар вә сүлһ jолу илә һәлл олунмасы зәрурәтини хатырладараг, Јәмән бөһраныны меjдана ҝәтирәнләрин онун нәтиҹәләринә дә дөзмәли олаҹагларыны билдириб. Русиjа президенти Путин Әрәб лидерләринә jазылы месажында Суриjа, Јәмән вә Ливиjа бөһранларынын сүлһсевәр jолларла һәлл олунмасы мүмкүн олмадығы мүддәтҹә бөлҝәдә терроризмлә мүбаризә вә мөвҹуд бөһранларын даjандырылмасынын мүмкүн ола билмәjәҹәjини билдириб. Путинин месажындан нараһат олан Сәудиjjә Әрәбистаны Хариҹи Ишләр назири Сәуд әл-Фаjсал Москваjа бир сыра иттиһамлар сөjләjәрәк, Суриjа халгынын чәкдиjи издираблардан Русиjанын да мәсул олдуғуну иддиа етди.
Оман: Һүҹумлары даjандырын!
 "Әл-Аләм" телеканалынын билдирдиjинә ҝөрә, базар ҝүнү Оман кралы Султан Кабус ибн Сәид Сәуд кралы Салман бин Әбдүләзизә jаздығы (тәҹили) мәктубда Јәмән торпагларына гаршы һәрби һүҹумларын даjандырылмасыны истәдиjи деjиб. Оман кралы Султан Кабусун Сәудиjjә Әрәбистаны кралына jаздығы мәктубда Јәмән бөһранынын бундан даһа чох давам етмәси илә бунун нәтиҹәләринин чох ағыр олаҹағыны да геjд едиб. Оман, һәмчинин Сәудиjjәнин Јәмәнә гаршы тәшкил етдиjи һава һүҹуму заманы jаралылары мүаjинә вә мүалиҹә етмәjә һазыр олдуғуну да дилә ҝәтириб. Оманын өтән һәфтә Сәнада ҹүмә намазына гатыланлара һүҹум заманы jараланмыш 40 jәмәнлини мүалиҹә етдиjи билдирилиб.
Геjд едәк ки, Фарс Көрфәзи Ишбирлиjи Консеjинә үзв олан 6 өлкәдән Јәмәнә һүҹуму дәстәкләмәjән тәк өлкә Омандыр.
Диггәт: Хәбәрдән истифадә етдикдә мәнбәjә истинад лазымдыр