Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бәһреjнин танынмыш алимләри бәjанат верәрәк Милли Әл-Вифаг Ислам Ҹәмиjjәтинин баш катибини дәстәкләдикләрини елан едибләр.
Танынмыш бәһреjнли алимләр өз бәjанатында Али-Хәлифә режиминин Бәһреjн Милли Әл-Вифаг Ислам Ҹәмиjjәтинин баш катиби Шеjх Әли Салмана зүлмү, онун һәбс вә мүһакимәсини писләjибләр. Бу кими һәрәкәтләри дин, әхлаг, дахили вә беjнәлхалг ганунлара зидд олдуғуну вурғулаjыблар.
Бәһреjнин танынмыш алимләри Сеjид Ҹавад Әл-Вадии, Шеjх Иса Әһмәд Гасим, Сеjид Абдулла Әл-Гәрифи, Шеjх Мәһәммәд Салеһ Әл-Рәбии вә Шеjх Әбдүлһүсеjн Әл-Ситри бу бәjанатда Али-Хәлифә режиминин зүлм характерли һәрәкәтләринин даjандырылмасыны тәләб едибләр. Шеjх Әли Салмана гаршы ирәли сүрүлән бүтүн әсассыз иттиһамларын дәрһал ләғв олунмасыны тәләб едибләр.
Минләрлә Бәһреjн вәтәндашы да чәршәнбә ахшамы ҝүнү бу өлкәнин мүхтәлиф бөлҝәләри, о ҹүмләдән Манамада Шеjх Әли Салман вә диҝәр сиjаси мәһбусларын азад олунмасы тәләби илә иримигjаслы аксиjалар кечириб.
Шеjх Әли Салман Бәһреjн халгынын азадлыг вә әдаләтин бәргәрар олунмасы һүгугуну дәстәкләдиjинә ҝөрә 2014-ҹү ил 28 декабрда һәбс олунуб вә бу ҝүн (25 март) онун 3-ҹү мәһкәмә иҹласы кечирилмәлидир.
Диггәт: Хәбәрдән истифадә етдикдә мәнбәjә истинад лазымдыр
Бәһреjнли алимләрдән Шеjх Әли Салмана дәстәк бәjанаты
Бәһреjнли алимләрдән Шеjх Әли Салмана дәстәк бәjанаты
25 mart 2015 - 15:42
Xəbər kodu: 678937
Бәһреjнин танынмыш алимләри бәjанат верәрәк Милли Әл-Вифаг Ислам Ҹәмиjjәтинин баш катибини дәстәкләдикләрини елан едибләр.
