Зәриф: Иран бүтүн санксиjаларын ләғвинә тәкид едир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Иран хариҹи ишләр назири деjиб: Иран Ислам Республикасы бүтүн санксиjаларын ләғв едилмәсини вурғулаjыр
Сәһәр Беjнәлхалг Телевизиjасынын мәлуматына ҝөрә, Иран хариҹи ишләр назири Мәһәммәд Ҹавад Зәриф Теһранда журналистләрә вердиjи мүсаһибәдә Иран вә АБШ арасында нүвә мүзакирәләринин сабаһ ҹүмә ахшамы ҝүнүндән Исвечрәнин Лозан шәһәриндә jеиндән башланмасына тохунараг деjиб: Иранын нүвә мүзакирә һеjәти мүзакирәләрин бу турунда өз сәjиндән максимум шәкилдә истифадә едәҹәк.
Зәриф санксиjаларын ләғв едилмәсинә даир Ислам Ингилабынын Бөjүк Рәһбәринин бәләдчиликләринин иҹрасы үзрә Иранын нүвә мүзакирә командасынын програмы барәсиндә деjиб: Иран дөвләти елә әввәлдән бу рәjдә исрарлы олмушдур.
Иранын Атом Енержиси Тәшкилатынын сәдри Әли Әкбәр Салеһи дә бу ҝүн журналистләрә вердиjи ачыгламада Лозанда кечириләҹәк нүвә мүзакирәләринин jени турунда иштирак едәҹәjини билдирәрәк әлавә едиб: Өнҹәки мүзакирәләр чох jахшы олмушдур вә Иран һеjәтинин бүтүн сәjи будур ки, бу jол горунсун вә ики тәрәф удуш-удуш нәтиҹәсинә чатсын.
Иран Хариҹи Ишләр Назирлиjинин Сиjасәт вә Беjнәлхалг Тәһлүкәсизлик идарәсинин баш директору Һәмид Бәидинежад да вердиjи ачыгламада нүвә мүзакирәләринин jекун мәрһәләләриндә олдуғуну билдирәрәк сөjләjиб: Јени илдә мүтләг анлашма әлдә олунаҹаг. Чүнки мүзакирәләр индиjә гәдәр чох jахшы ирәлиләмишдир.
Мәсәләләрин һәлл jолунун тапылдығыны вә jекунлашдығы һалда, jекун анлашманын әлдә олунаҹағыны билдирән Бәидинежад деjиб: Белә деjил ки, илк өнҹә санксиjалар ләғв олунсун, сонра исә диҝәр мәсәләләр барәдә мүзакирә апарылсын. Бүтүн бунларын һамысы бирликдә бир иш чәрчивәсиндә һәлл олунмалыдыр.
Иранын нүвә мүзакирә һеjәти бу ҝүн ҝүнортадан сонра хариҹи ишләр назири Мәһәммәд Ҹавад Зәрифин башчылығы илә 5+1 Групу илә мүзакирәләрин jени турунда иштирак етмәк мәгсәдилә Лозана сәфәр едәҹәк.
Диггәт: Хәбәрдән истифадә етдикдә мәнбәjә истинад лазымдыр