ИИР ХИН Суриjанын шималында террор һәрәкәтини писләjиб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, ИИР ХИН Суриjанын шималында террор һәрәкәтини писләjиб
Иран Ислам Республикасы Суриjанын шимал-шәргиндә jерләшән Һәсәкә шәһәриндә онларла мүлки шәхсин һәлак олмасы вә jараланмасыны писләjиб.
ЫРЫБ-нин мәлуматына ҝөрә, Иран Хариҹи Ишләр Назирлиjинин сөзчүсү Мәрзиjjә Әфхәм ифратчы групларын онларла мүлки шәхсин һәлак олмасы вә jараланмасы илә нәтиҹәләнмиш Суриjанын шимал-шәргиндә jерләшән Һәсәкә шәһәриндәки террор һәрәкәтләрини писләjиб.
Әфхәм бу террор һәрәкәти гурбанларынын аиләләринин кәдәринә шәрик чыхараг, үмидварлыг едиб ки, бүтүн өлкәләрин һәмкарлығы илә терроризм вә екстремизмин көкү гурудулаҹаг.
Һәсәкә мәнтәгәсиндә ики бомбанын партламасы нәтиҹәсиндә тәгрибән jүз нәфәр, о сырадан гадын вә ушаглар һәлак олуб вә jа jараланыблар.
Суриjа күрдләринә һүҹум мәгсәди илә Һәсәкә вилаjәтинин мәркәзи олан Һәсәкә шәһәриндә һәjата кечирилмиш биринҹи бомба гоjулушунда отуздан jухары инсан тәләфаты олуб, бир нечә нәфәр дә jараланыбдыр.
Диҝәр бомба гоjулушунда да jени илин новруз шәнлиjи илә бир заманда онларла нәфәр jараланды.
Дырнагарасы "Суриjа Инсан Һаглары Ҝөзәтчиси" групу билдирир ки, бу һүҹумлардан биринин амили ИШИД-ин табелиjиндә олан террорчудур.
Тәкфирчи ИШИД груплашмасы Һәсәкә вилаjәтинин бәзи һиссәләрини әлә кечириб, лакин Һәсәкә шәһәринин нәзарәти Суриjа күрдләринин ихтиjарындадыр.
Суриjанын күрд мәншәли мүбаризләри аjлардыр ки, ИШИД дөjүшчүләри илә вурушурлар вә бу дөjүшләрдә индиjәдәк jүзләрлә нәфәр һәлак олубдур.  
Диггәт: Хәбәрдән истифадә етдикдә мәнбәjә истинад лазымдыр