Ирагын сүнни шеjхи "Әл-Әзһәр" шеjхинин иддиасына ҹаваб вериб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ираг Сүнни Алимләр Бирлиjи "Әл-Әзһәр" шеjхинин иддиасына реаксиjа ҝөстәрди

Халид әл-Мәлланын рәһбәрлик етдиjи Ираг Сүнни Алимләр Бирлиjи Мисирин "Әл-Әзһәр" Университетинин шеjхи Шеjх Әһмәд Таjjибин Ирагда ИШИД-лә мүбаризә апаран Ираг Халг Көнүллү Дәстәләринин сүнни бөлҝәләриндә гәтлиам төрәтмә иддиасына реаксиjа ҝөстәриб. "Әл-Әзһәр" Университетинин Ислам аләминдә тутдуғу ролдан бәһс едилән ифадәләрлә башлаjан ачыгламада белә геjд олунуб: "Әл-Әзһәр" бәлкә билмир, амма Ираг Халг Көнүллү Дәстәләри тәкфирчи структур деjил; Шиә вә сүнниләрдән ибарәт олан бир гурулушдур. Халг Бирликләринә мәнсуб шиә вә сүнни дөjүшчүләрин әксәриjjәти сүнни бөлҝәләри ИШИД-дән азад етмәк мәгсәдилә бирликдә дөjүшүр". "Әл-Әзһәр" шеjхинин ачыгламасындакы иттиһамларын һәгигәти әкс етдирмәдиjини билдирән Ираг Сүнни Алимләр Бирлиjи, "Бу мәлуматларын әсасландығы мәнбәләр, ИШИД-ин ҹинаjәтләри гаршысында сусгунлуғуну позмаjан даирәләрдир вә мәгсәдләри иҹтимаиjjәтин беjнини чашдырмагдыр", - деjә геjд едиб.
Диггәт: Хәбәрдән истифадә етдикдә мәнбәjә истинад лазымдыр