Аjәтуллаһ Шәбүстәри: `Инҝилис шиәлиjи ән гыса заманда арадан галдырылмалыдыр`

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Тәбриз шәһәринин имам ҹүмәси Аjәтуллаһ Мүҹтәба Шәбүстәри Шәрги Азәрбаjҹан әjаләтинин имамлары илә кечирдиjи иҹласда чыхыш едәрәк, бәзи мүһүм мәсәләләрә тохунуб.

Чыхышында "Али Имран" сурәсинин сон аjәләринә диггәтә чәкәрәк, "Аллаһ-Тәала бу аjәләрдә мүсәлманлар үчүн үч ҝөстәриш назил едиб. Биринҹиси: Фәрди мүсибәт вә итаәтдә сәбр етмәк, икинҹиси, Иҹтимаи сәбр вә үчүнҹүсү, динин лидерләрини горумаг. Динин лидерләрини горумагда мәгсәд, Исламы вә Ислам ҹәмиjjәтинин әгидә вә тәфәккүрүнү мүдафиә етмәк үчүн ән өн ҹәрҝәләрдә jер алмагдыр. Хүсуси олараг ҝүнүмүздә дүшмәнин мүсәлман ҝәнҹләримизин ирәлиләjишини даjандырмаг вә онлары аздырмаг үчүн мәдәни тәҹавүзлә jанашы, шүбһәлилик зәһәрини сачыр" сөjләjиб.
Аjәтуллаһ Мүҹтәба Шәбүстәри сөзләринә белә давам едиб: "Ифратҹылыға, тәкфирчилиjә, Лондон шәилиjинә вә Америка сүннилиjинә гаршы мүбаризә апармаг алимләримизин вәзифәсидир.
Дүшмән бу ҝүн тәкфирчилиjә гаршы Ислам аләминдә шиә фанатизмини jаратмаг ниjjәтиндәдир. Инҝилис шиәчилиjи бидәт вә хурафатлар илә мүсәлманларын гәтлә jетирилмәси үчүн Америка ваһабизминин әлинә әсас верир
Биз индиjә гәдәр Лондон шиәлиjи һаггында сүгут етдик. Ашкар шәкилдә шиәләри һәдәф алан аксиjа вә ифадәләринә ҝөрә, өзүнү мәрҹә-тәглид кими таныдан Садиг Ширази ахыныны ифша етмәjи вәзифә билирик. Хурафат вә хәнҹәр вурмағы ҹанландырараг, Әһли-Беjтин пак адыны хәнҹәр вә хурафатларла әлагәләндирмәк ниjjәтиндәдирләр. Бу ҹәрәjан ән гыса заманда арадан галдырылмалыдыр.
Шиә вә сүнни мүсәлманлар аjыг олмалыдырлар вә дүшмәнин фитнәләринә jол вермәмәлидир. Һәр заманкындан даһа чох вәһдәт вә ваһид вүҹуд олараг дүшмәнә гаршы сәфәрбәр олмалыдырлар."
Диггәт: Хәбәрдән истифадә етдикдә мәнбәjә истинад лазымдыр