Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн Ираг Мүдафиә Назири Халид Мутәб Әл Убејди Америка Ордусунун Баш Гәрәрҝаһынын Башчысы Мартин Демпсеј илә кечиртдији мүштәрәк мәтбуат конфрансында вурғулајыб: “ИШИД террор груплашмасы бәзи шәһәрләри ишғал етдији заман Орду Гүввәләриндә бөјүк сарсынты јаранмышдыр. Буна ҝөрә дә, достларымыздан (админ: нәзәрдә ИИР- тутулур) јардым әлләрини узатмагларыны истәдик. Биз бүтүн өлкәләр илә, истәр ИИР олсун истәрсә дә АБШ илә дөвләт сәвијјәсиндә әлагәләримизи гуруруг.”
Ираг Мүдафиә Назири даһа сонра билдириб: “Илк өнҹә Самирра шәһәринин 82 %-и террорчу груплашманын ишғалы алтында иди лакин бу ҝүн ишғал олунмуш әразиләрин 78 %-и артыг Ираг Силаһлы Гүввәләринин там нәзарәтиндәдир.”
Халид Мутәб Әл Убејди даһа сонра Ираг Республикасынын халг күтләләриндән ибарәт Көнүллү Дәстәләрин ИШИД илә мүбаризә үчүн мәһз Иран Ислам Республикасы тәрәфиндән камил сүрәтдә тәлиматландығыны вурғулајараг билдириб: “Тәкҹә Самирра шәһәр сакинләриндән 1200 нәфәр Көнүллү Ираг Силаһлы Гүввәләри кәнарында террорла мүбаризә апарыр.”
Америка Ордусунун Баш Гәрәрҝаһынын Башчысы Мартин Демпсеј исә өз нөвбәсиндә Иран Ислам Республикасынын јахындан ҝөстәрдији јардымлар сајәсиндә Ираг Ордусунун әлдә етдији бөјүк налијјәтләри зәиф ҝөстәрмәк мәгсәди илә, билдириб: “Америка ИШИД әлејһинә мүбаризәни дәстәкләјир. Әҝәр Ираг Америка Бирләшмиш Штатларындан артыг јардым алмаг истәсә биз бу һагда дүшүнәрик... (!)”
Диггәт: Хәбәрдән истифадә етдикдә мәнбәјә истинад лазымдыр
