Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ләнкәран полиси даһа бир инанҹлыны һәбс едиб.
Белә ки, Ләнкәран шәһәр сакини Рауф Һусејнов полис шөбәсинә чағрылыб.
Онун һәбс олунмасына сәбәб кими һәлә ки, һечнә ҝөстәрилмәсәдә еһтимал олунур ки, о, бир нечә ҝүн бундан өнҹә манатын дәјәрдән дүшмәси илә әлагәдар олараг сосиал шәбәкәләрдә етираз аксијасы үчүн кечирилән топлантынын тәшкилатчылығында иттиһам олунур.
Мәлумата ҝөрә, Рауф Һусејнов барәсиндә иҹтимаи асајиши позма маддәсијлә Ләнкәран Шәһәр Мәһкәмәси 7 сутка һәбс гәрары чыхарыб.
Гејд едәк ки, бир нечә ҝүн бундан өнҹә Ләнкәран Шәһәр-Рајон Полис Шөбәсинин әмәкдашлары рајон инанҹлысы Билал Һүсејнлини сахлајараг полис шөбәсинә апарыб. Сахланылан инанҹлынын јахынлары сахланма сәбәбин сорушдугда билдирибләр ки, Б.Һүсејнлинин сахланма сәбәби манатын дәјәринин ашағы дүшмәси вә гијмәтләрин баһалашмасына етираз олараг аксија тәшкил етмәсидир. Јахынлары билдирибләр ки, Билал Һүсејнли полис шөбәсиндән чыхарылараг аксија тәшкилатчысы кими Ләнкәран Шәһәр Мәһкәмәсинә апарылыб. Ләнкәран мәһкәмәсиндә дә онун барәсиндә 7 сутка һәбс гәрары чыхарылыб.
Диггәт: Хәбәрдән истифадә етдикдә мәнбәјә истинад лазымдыр
4 mart 2015 - 14:26
Xəbər kodu: 674743
Онун һәбс олунмасына сәбәб кими һәлә ки, һечнә ҝөстәрилмәсәдә еһтимал олунур ки, о, бир нечә ҝүн бундан өнҹә манатын дәјәрдән дүшмәси илә әлагәдар олараг сосиал шәбәкәләрдә етираз аксијасы үчүн кечирилән топлантынын тәшкилатчылығында иттиһам олунур.
