Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ханим Фатимеjи Зәһранын (с.ә) шәһадәт ҝүнү мунасибәти илә, башда Имам Заман ага (ә.ф) олмагла сизин һамыныза тәслиjjәт әрз едирик!
Пакларын пакы Һәзрәти Зәһранын (с.ә) шәхсиjjәти һаггында чох шәхсиjjәтләр фикирләр сөjләмиш,лакин jенәдә әзәмәти бир өлчүjә сығмаjан бу гадынын бөjүклүjүнү тәjин етмәкдә аҹиз галмышдыр.
Фатимә (с.ә) һәмишә атасы илә иди.Бир ҝүн бөjүк Ислам Пеjғәмбәри (с) ҝөзүнүн нуру,пакларын пакы Зәһраjа (с.ә) мүраҹиәтлә буjурур:"Билирсәнми ки, ниjә Фатимә адланмысан? Бу заман Әли (ә)-да Пеjғәмбәрин (с) һүзүрунда иди.Бу сөзү ешитҹәк марагла сорушур,ниjә? Пеjғәмбәр (с) буjурур:"Она ҝөрә ки, Аллаһ-Тәала гызым Фатимәни вә онун нәслини оддан узаг вә кәнар етмишдир".Башга бир һәдисдә исә Пеjғәмбәр (с) бу кәламына ашағыдакы сөзләридә әлавә етмишдир:"Ким ону инҹитсә,мәни инҹитмишдир,Мәни инҹидән шәхс исә Аллаһы гәзәбләндирмишдир".
Фатимеjи-Зәһра (с.ә) намус вә паклығын о парлаг улдузу нурлу аиләдә,вәһj евиндә,сәма мәләкләринин ендиjи jердә дүнjаjа ҝөз ачды вә Ислам дүнjасына, мәнәвиjjат вә руһанилик үфүгүнә өз сәадәтли тәвәллүдү вә мүбарәк варлығы илә башга бир нур, ишыг бәхш етди.О, елә бир евдә дүнjаjа ҝөз ачды ки, инсанлыг дүнjасы узун заманлардан бәри интизар ҝөзүнү она дикмишди.Елә бир ев ки, бәшәр ҹәмиjjәтинин jеҝанә мүәллиминин jери,мәскәни орада өзүнә гәрар тапмышдыр.Мәһәммәд (с) еви,Пеjғәмбәр (с) еви.Өзү мәктәбә ҝетмәjән, jазы jазмаjан,лакин бир ҝөз гырпымында jүзләрлә мүәллимин устады олан бир мүәллимин еви.Фатимеjи-Зәһра (с.ә) ушаглыг дөврүнү бу евдә кечирди.Бу евдә тәрбиjә бешиjиндә Ислам Пеjғәмбәринин (с) бәшәриjjәтин jеҝанә мүәллиминин бирбаша рәһбәрлиjи алтында бөjүдү.Фатимеjи-Зәһра (с.ә) башгалары илә ҝөрүшмәjә онларыын дәрд гәмини вә мүхтәлиф мәсәләләрини һәлл етмәjә һәмишә вахт тапырды.О, шәриәтә вә динә аид суаллара ҹаваб вермәк үчүн әсла вахтыны әсирҝәмәзди.Әксинә, бу ишләри дә өзүнүн башлыҹа вәзифәләриндән саjыр вә һәмин мәсәләләрә бөjүк мәсулиjjәтлә jанашырды. Фатимә (с.ә) ҹәмиjjәтдә фәал иҹтимаи хадим иди. О, jорулмаг билмәjән мүбариз бир гәһрәман ингилабчыдыр. О, сиjаси хадим кими мәнфәәтпәрәст сиjасәтбазларын, Ислама гаршы чыханларын гаршысында ҝур сәсини уҹалдараг вилаjәт вә Әһли-Беjтин әлиндән алынмыш һүгугларын мүдафиәсинә галхыр, бу jолда чох шүҹаәтлә аддымлаjыр, һәтта ширин ҹанындан кечирди.Үһүд дөjүшүндә атасынын jараларыны тәсирләнәрәк мүалиҹә едәрди. Һеч вахт Пеjғәмбәрдән аjрылмады. Еви Пеjғәмбәрин евинә битишик иди. Әзиз атасы һәр jердән чох Фатимәнин евинә ҝәлиб-ҝедәрди. Сәфәрә ҝедәндә видалашдығы ахырынҹы адам, гаjыданда ҝөрүшдүjү илк адам Фатимә (с.ә) олурду. О, атасынын анасы иди. Һәjат jолдашы олараг Әли (ә) кими бир инсана лаjиг иди. Рәваjәт вар, һәлә Пеjғәмбәрә мераҹда оларкән Фатимәни Әли (ә)-а вермәсини сөjләмишдиләр. Бу, Аллаһын истәjи иди. Фатимә (с.ә) ән нүмунәви евдар ханым, һәjат jолдашы, ана иди. Евин раһалығы үчүн бүтүн ишләри өзү ғөрүр, ушагларына чох мәһәббәтлә jанашыр, әхлаги, мәнәви тәрбиjәләринә хүсуси диггәт jетирирди. Көрпә оғланларыны мәсҹидә ҝөндәрәрди ки, өjрәнсинләр, ҝәлиб евдә аналарына данышсынлар. Фатимәнин тәлим-тәрбиjәси бүтүн аналар үчүн мәктәбдир.
Деjәндә “нә'буду” ҹан бәхш едиб ибадәтә Зәһра,
Едәндә сәҹдә сәфа верди мәнәвиjjәтә Зәһра.
Гыланда сүбһ намазын сәһәр нәсими дирилди,
Дуа едәндә тәкан верди әрши-һикмәтә Зәһра.
Әҝәрчи назикиди гәлби ҝүлләрин вәрәгиндән,
Тәһәммүл еjләди дағдан ағыр мүсибәтә Зәһра.
Олар ки, Фатимәни инҹидиблә, неjләjәҹәкләр,
Пеjғәмбәрилә гоjанда гәдәм гиjамәтә Зәһра.
Сәмаjә ким сәфәр етсә ҝөрәр деjүллә мәләкләр,
Әли әдаләтә мә'на jаратды, исмәтә Зәһра.
О гәдри мәктәби-Зәһрадә мәрифәт өjрән,
Ки, һәшрдә сәни лаjиг ҝөрә шәфаәтә Зәһра.
Јазым нә елмилә Сеjjид о һәзрәтин шәрәфиндән,
Бу бәсди ки, аналыг еjлиjиб имамәтә Зәһра.
Мәһәммәд (с) көвсәринин диҝәр бир нүмунәси Зәһрадыр (с.ә).Чүнки Пеjғәмбәр (с) нәслинин давамы онун васитәси илә ҝерчәкләшмиш, Фатимәдән (с.ә) он бир имам доғулмуш, онларын бәрәкәти шәрги вә гәрби бүрүмүшдү.Онлар динин сүтуну олмуш, динин давамы вә варлығы, онларын вүҹудунун бәрәкәти илә сәртләнмишди.Онларын имамәтин гаjнар булағы кими шәриәтә сусузлуғуну доjурмушлар.Бүтүн фәзиләтләр Әһли-Беjт вә илаһи вәһjдәндир.Имам Садиг (ә) буjурмушдур:"Һарада фәзиләтдән бир сөз олса, биз Әһли-беjтдәндир".Бир һалда ки, бүтүн бу фәзиләтләрин анасы, көкү Фатимәдир (с.ә), нә үчүн көвсәр саjылмасын?!.Нә үчүн белә бәһрәли будаглары олан пак бир ағаҹ көвсәр саjылмасын?!.Буна ҝөрәдә Мәһәммәд (с) көвсәринин бариз нүмунәси Фатимәдир!.Онун Әһли-Беjти вә өвладлары динин пак ағаҹынын даим суварылдығы көвсәрдирләр.
Ханымлар ханымы Фатимеjи Зәһра (с.ә) барәдә гыса танышлыг
Ады: Фатимә (с.ә).
Ләгәби: Зәһра.
Күнjәләри: Үммүл-әиммәтил-әтһар, Үммүл-Һәсән, Үммүл-Һүсеjн, Үммүл-мөминин, Үммүл-фәзаил, Сәjjидәтү-нисаил-аләмин, Хәjрүн-ниса, Бәтул, Үммүл-хиjәрә, Үммүн-нүҹәба, Үммүл-әзһар.
Атасы: Муһәммәд Рәсулуллаһ (с).
Анасы: Хәдиҹеjи-Күбра Үммүл-мөминин (с.ә).
Анадан олдуғу ҝүн: 20 Ҹәмадиүс-сани.
Доғулдуғу jер: Мәккеjи-Мүкәррәмә.
Доғулдуғу ил: Бесәтин бешинҹи или (Һиҹрәтдән сәккиз ил әввәл).
Шәһид олдуғу ҝүн: 3 Ҹәмадиүс-сани.
Шәһид олдуғу ил: 11-ҹи һиҹри или.
Өмрү:18 ил.
Шәһадәтинин сәбәби: Әзиз атасынын вәфатындан сонра башына ҝәтирилән мүсибәтләр.
Дәфн олундуғу jер: Мәдинә.
Өвладларынын саjы: 4 - (4 аjлыг сигт олунан Мөһсүндән башга) 2 оғлан вә 2 гыз.
Оғланлары:
1. Һәсән (ә).
2. Һүсеjн (ә).
Гызлары:
1. Зеjнәби-Күбра.
2. Зеjнәби-Суғра (Үммү Ҝүлсүм)
Геjд едәк ки, тарихдә шәһадәтлә бағлы ики рәваjәт мөвҹуддур.
Диггәт: Хәбәрдән истифадә етдикдә мәнбәjә истинад лазымдыр
