Руһани: Иран һеч вахт елмин инкишаф jолундан әл чәкмәjәҹәк

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран халгы һеч вахт елми инкишаф jолундан әл чәкмәjәҹәк вә өз елми инкишаф jолуну давам етдирәҹәк. Бу сөзләри Иран Ислам Республикасы президенти Һәсән Руһани деjиб.
Гум әһалиси гаршысында чыхыш едән ҹәнаб Һәсән Руһани Иранын 5+1 групу илә нүвә мүзакирәләринә тохунараг билдириб: Мүзакирәләрин сону вә анлашманын әлдә олунмасы Иран әлеjһинә бүтүн геjри-гануни санкиjаларын ләғв едилмәсини өзүндә еһтива етмәлидир. Санксиjанын инсан һагларына гаршы олдуғуну геjд едән президент Руһани әлавә едиб: Иран халгы мүзакирәләрдә нә зор тәтбигини, нә дә санксиjаларын давам етдирилмәсини гәбул едир. Иран президентинин сөзләринә ҝөрә, хариҹи сиjасәтдә, хүсусилә дә гоншуларла мүнасибәтләрдә өнәмли аддымлар атылмышдыр вә Иран әлеjһинә санксиjалар барәдә мүвәггәти Ҹеневрә анлашмасы да бу уғурлардан биридир. Иран Ислам Республикасы президенти Һәсән Руһани вә Назирләр Кабинетинин бир груп үзвү бу ҝүн Гум вилаjәтиндә әһали, бөjүк тәглид мәрҹәләри илә ҝөрүш, бәзи абадлыг лаjиһәләри илә танышлыг вә Вилаjәт Идарә Шурасынын иҹласында иштирак етмәк мәгсәдилә бу вилаjәтә дахил олублар.
Диггәт: Хәбәрдән истифадә етдикдә мәнбәjә истинад лазымдыр