Азәрбаjҹан идманчылары Имам Рзанын(ә) мәгбәрәсиндә олублар

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Азәрбаjҹанын 22 нәфәрлик таеквандо командасы "Мешкин Шәһр" командасы илә достлуг ҝөрүшү үчүн Ирана олан сәфәр чәрчивәсиндә Имам Рза(ә)-ын мәгбәрәсиндә олублар.
Беjнәлхалг Сәһәр Каналынын мәлуматына ҝөрә, бу идманчылар Имам Рза(ә) зиjарәтҝаһынын мәсул ишчиләри тәрәфиндән нәзәрдә тутулмуш хүсуси програм әсасында Имам Рза(ә)-ын пак мәгбәрәсини зиjарәт едиб, зиjарәтҝаһ идарәсинин фәалиjjәти илә jахындан таныш олублар. Азәрбаjҹанын таеквандо үзрә jығма командасынын баш мәшгчиси бу барәдә деjиб: Мән 16-ҹы дәфәдир ки, jарышларда иштирак етмәк үчүн Ирана ҝәлирәм вә һәр дәфә Имам Рза(ә)-ын мәгбәрәсини зиjарәт етмишәм. Әвәз Садыгов әлавә едиб: Азәрбаjҹанын таеквандо командасыын әксәр үзвләри биринҹи дәфәдир ки, Имам Рза(ә)-ын пак һәрәмини зиjарәт едир. Онлар өз jашадыглары шәһәр вә мәнтәгәләр үчүн jахшы нүмаjәндә ола вә Имам Рза(ә)-ын мәгбәрәсинин әзәмәтини jашадыглары jерин инсанларына чатдыра биләрләр. Ә.Садыгов Имам Рза(ә) мәгбәрә-музеj комплексинә бахышын кечирилмәси заманы да деjиб: Бу мәгбәрә-зиjарәт комплекси дәjәрли тарих, мәдәниjjәт вә инҹәсәнәт нүмунәләринин сахланылмасы вә горунмасы үчүн сон дәрәҹә мүнасиб бир атмосферә маликдир вә камил бир музеj олараг Ислами маһиjjәти она бахыш кечирәнләрә там шәкилдә ашыламаға гадирдир. Азәрбаjҹанын таеквандо үзрә jығма командасынын баш мәшгчиси даһа сонра деjиб: Имам Рза(ә)-ын зиjарәтҝаһ комплекси даим идман вә сағламлыг мәсәләсинә хүсуси өнәм вериб вә мүхтәлиф идман залларынын тәсис едилмәси илә бу саһәдә ири аддымлар атыб. Азәрбаjҹан jығма командасынын үзвләриндән олан Александр Аванович дә деjиб: Һәмишә Имам Рза(ә)-ын мәгбәрәсини ҝөрмәjи арзу едәрдим вә Ирана дахил олдуғум андан бу анын нә заман ҝәлиб чатаҹағыны сәбирсизликлә ҝөзләjирдим. Инди, бир шиә олараг бу зиjарәтин мәнә нәсиб олмасына ҝөрә фәхр едирәм. А.Аванович әлавә едиб: Имам Рза(ә)-ын зиjарәтҝаһы jалныз шиәләрин деjил, бүтүн Ислам Дүнjасынын мүгәддәс мәканларындан биридир.
Диггәт: Хәбәрдән истифадә етдикдә мәнбәjә истинад лазымдыр