Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Дүнjада вә әсасән дә гоншу өлкәләрдә олан проблемләр Азәрбаjҹанын дахили проблемләриндән даһа чох габардылдығыны мүшаһидә едирик Үмумиjjәтлә ҹансыхыҹы, психолоҝиjаны корлаjан хәбәрләрин саjынын артмасы һәгигәтәндә "һадисә"ләрин артмасы илә әлагәдардыр, jохса даһа өнҹә белә хәбәрләр паjлашылмырды?
Амма инди интиһар, зорланма хәбәрләри мәгсәдjөнлү шәкилдә интенсивләшиб?! Мөвзу илә бағлы исламазери.аз-а илаһиjjатчылар Емил Раилоғлу вә Мир Гасим Әлиjевин фикирләрини өjрәндик. Иҹтимаи хадим Мир Гасим Әлиjев мөвзу илә бағлы билдириб ки, мәнфур гүввәләр өз ҹинаjәтләрини ҝизләтмәк үчүн бу тип хәбәрләрдән истифадә едир: Үмумиjjәтлә, илк олараг геjд едим ки, вурғуладығыныз мәсәлә, jәни бү ҹүр негатив, зоракы һалларын иҹтимаиjjәтдән ҝизләдилмәси даһа чох авторитар үсулларла идарә олунан өлкәләр үчүн характерикдир.
Анҹаг бу о демәк деjил ки, нисбәтән демократик вә jа демократик әсасларла идарә олунан дөвләтләрдә бу кими һаллар баш вермир, тәҹавүз һалларына раст ҝәлинмир. Лакин бу икиси арасында көклү бир фәрг мөвҹуддур ки, о да бу гәбилдән олан һадисәләрин мәгсәдли шәкилдә өрт-басдыр едилмәси, инсанлардан ҝизләдилмәси вә мүмкүн гәдәр иҹтимаи рәjин бу кими һаллардан jаjындырылмасыдыр.
Чүнки бу кими һадисәләрин вә онларын ҝениш вүсәт алмасынын көкүндә, авторитар, геjри-демократик вә геjри-шәффаф үсул-идарәчилиjи даjаныр. Бундан әлавә, бу кими һалларын иҹтимаиләшмәси, һәм дә бу ҹүр режимләрин беjнәлхалг тәшкилатлар гаршысында ҝөтүрдүкләри өһдәликләрин вә хүсусилә дә дүнjада өзләри үчүн демократик имиҹ jаратмаг мәгсәдилә сәрф етдикләри әмәjин, уjдурдуглары инкишаф вә сабитлик нағылынын вә хәрҹләдикләри милjонларын ифласа уғрамасыны ифша едә биләр. Одур ки, иҹтимаи рәj дахили проблемләрдән вә jарытмаз өлкә идарәчилиjиндән гаjнагланан сосиал, игтисади, сиjаси, мәнәви бөһранлардан jаjындырылыр. Мисал үчүн, өлкә дахилиндә түғjан едән вә инсанларын бүтүн шәхси вә иҹтимаи һәjатыны алт-үст едән коррупсиjа хәрчәнҝи гала-гала, мәнфур гоншумуз олан Ермәнистандакы коррупсиjа һалларына тохунулур вә jа елә сон заманлар өлкә ҝүндәмини зәбт едән рүсваjчы Л.Гулиjева олаjыны ҝөтүрәк. Һансы ки, бунун өзү дә әсасән инсаныларын фикрини даһа ҹидди проблемләрдән jаjындырмаг мәгсәди дашыjыр. Әҝәр jашадығымыз jахын тарихә вә һадисәләрин хронолоҝиjасына диггәт jетириләрсә, бүтүн бунларын мәгсәдjөнлү шәкилдә һәjата кечирилдиjини сезмәк елә дә чәтин олмаз. Сонда исә бир даһа геjд етмәк истәjирәм ки, өлкә дахилиндә проблемләр артан вә ҹәмиjjәтә сызан кими, диггәт бирмәналы олараг өлкә хариҹинә jөнәлдилир вә беләҹә, өлкәни ән jахшы һалда сәриштәсиз идарә едәнләр өзләрини онлар үчүн башағрысына чеврилә биләҹәк тәһлүкәләрдән сығорталамыш олурлар". Илаһиjjатчы Емил Раһилоғлу мөвзу илә бағлы деjиб: "Мән демәздим ишыгландырылмыр. Истәр өлкә дахилиндә, истәрсә дә хариҹдә олан хәбәрләр дөвләтин күтләви информасиjа васитәләри тәрәфиндән һадисәнин хәбәр чәкисини jохладыгдан вә сензурадан кечирдикдән сонра jаjымына иҹазә верирләр. Хәбәр аҝентликләри иҹтимаиjjәти дүнjа вә өлкә дахилиндә баш верән һадисәләрлә бағлы мәлуматландырмагла jанашы онларда jарадаҹаг тәәссүраты да һесабламалы вә jаjымладығы хәбәрин нә илә нәтиҹәләнәҹәjини билмәлидир. Мәсәлән биз өлкә дахилиндә баш верән митинг вә етиразлары телевизиjада ҝөрмүрүк. Чүнки бунун jаjымланмасы үмуми иҹтимаиjjәтдә һакимиjjәтә гаршы мәнфи тәсирә маликдир. Дедикләримә рәғмән бизим КИВ-дәки проблем мөвзуну ишыгландырмагдан әлавә бир нөв ону тәблиғ етмиш олур. Мәсәләнин көклү шәкилдә һәлли үчүн аддымлар атылмыр. Фәрз едәк ки, әсҝәр өлүмләринин ишыгландырылмасы вәтәнпәрвәрлик руһиjjәси вә диҝәр мөвзулара әсасән олмаз. Ахы архада да мәсәләнин көклү шәкилдә һәлли үчүн аддымлар атылмыр. Забит өзбашналығы һәлә дә һәрби һиссәләрдә давам едир вә jа зорланма вә бу кими иjрәнҹ һадисәләрин көкүнү ким арашдырыр? Кимсә елә бир мүәссисәнин органын адыны чәкә биләр? Һәбс мәсәләнин сон вариантыдыр. Иҹтимаиjjәтин ислаһы илә ким мәшғул олур? Елҝиз, Заур вә бир ики пенсиjаjа чыхмыш “аиләсини сәнәтинә гурбан вермиш” "мүғәнни" вә "артист"ләр бу милләтин һәм психологу, һәм сосиологу, һәм ҝенекологу вә саир "ологу" олублар. Бу шоулар мәсәләнин һәллинә деjил, охуҹу вә jа бахыҹы реjтинги газанмаг үчүндүр. Бах әсас проблеми мән бунда ҝөрүрәм. Аллаһ бу милләтин дадына чатсын".
Диггәт: Хәбәрдән истифадә етдикдә мәнбәjә истинад лазымдыр
