Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мөвсүм Сәмәдовун һәjат jолдашы: "О, ики нәфәрлик 7 кв.м отагда сахланылыр"
Мөвсүм Сәмәдовун һәjат jолдашы: "О, ики нәфәрлик 7 кв.м отагда сахланылыр"Меһпарә Сәмәдова бир нечә ҝүн әввәл ҹидди режимли Гобустан гапалы һәбсханасында һәjат jолдашы Мөвсүм Сәмәдовла ҝөрүшүб "Исламынсәси" саjты бунунла бағлы АИП лидеринин һәjат jолдашы Меһпарә Сәмәдовадан мүсаһибә алыб. Бу мүсаһибәни диггәтинизә чатдырырыг:
-Меһпарә ханым, һаҹынын сәһһәти, үмуми вәзиjjәти неҹә иди? -Биз онунла ҝөрүшәндә һаҹы өзүнү jахшы һисс едирди. Лакин сәһһәтиjлә бағлы мүтәмади олараг нараһатлыглары олур. Үрәк ағрылары илә әлагәдар мүалиҹә олунмалыдыр. Һазырда иммунитети чох ашағыдыр. Һаҹы чәзаҹәкмә мүәссисәсинин тибб санитар һиссәсинә кечирилмәси үчүн мүраҹиәт етсә дә буна иҹазә верилмәjиб. Әслиндә онун Ихтисаслашдырылмыш Мүалиҹә Мәркәзинә (сентрал) көчүрүлмәси лазымдыр. Мүәссисә рәһбәрлиjинә бу һагда олунан мүраҹиәтләр дә нәтиҹәсиз галыб.
-Бу һагда һаҹынын вәкили илә әлагә сахламысынызмы?
-Тәәссүфлә геjд едирәм ки, вәкил өзү дә һеч бир иш ҝөрә билмир. Онун һаҹы илә ҝөрүшүнә шәраит jарадылмыр.
-Һаҹынын һәбсханадакы сахлама шәраити неҹәди?
-О, ики нәфәрлик 7 м2 отагда сахланылыр. Әрзаг 2 аjдан бир дәфә гәбул олунур. 3 аjдан бир гыса, 6 аjдан бир дәфә исә шәхси ҝөрүшә иҹазә верилир. Мүәссисәнин ҝириши вә чыхышында чох чидди jохланышлар апарылыр.
-Ҝөрүш заманы һәр һансы манеәләр вә мәһдудиjjәтләр олдуму?
-Хеjр, аиләви ҝөрүшә һеч бир манеә вә вахт мәһдудиjjәти олмады. Садәҹә ҝөрүш отағы чох пис вәзиjjәтдә иди. Отағын 4 бир тәрәфи рүтубәтдән киф бағламышды. Үфунәт иjи ҝәлирди. Диварлардан су ахырды. Бизә деjиләнә ҝөрә, бу һәлә мүәссисәнин ән jахшы ҝөрүш отағы иди. Ҝөрүш заманы һаҹыjа илк нөвбәдә атасынын вәфаты илә әлагәдар аиләсинин, достларынын вә танышларынын башсағлығыны чатдырдыг. О да һамыjа тәшәккүр етди вә саламларыны чатдырды. Һаҹы бүтүн бу чәтинликләри Аллаһын мәсләһәти олдуғуну вә иншәаллаһ һәр шеjин хеjирлә гуртараҹағына гәти инамыны билдирди. Мән дә өз нөвбәмдә ону деjә биләрәм ки, Аллаһ-Тәалаjа гаршы нашүкүрлүк едә билмәрик. Биз әзиз Ислам, Имам Һүсеjн(ә), Һәзрәти Зеjнәб(с) jолунда гаршымыза чыхан чәтинликләрлә ифтихар едирик.
Диггәт: Хәбәрдән истифадә етдикдә мәнбәjә истинад лазымдыр
