Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 11 ил мүддәтинә һәбсә мәһкум едилмиш Руһани Һаҹы Абҝүл Сүлејманов сахланылдығы 13 сајлы ҸЧМ-дә дахили низамнамәни поздуғуна ҝөрә, икинҹиди дәфә јенидән гапалы типли ҹәзачәкмә мүәссисәсинә көчүрүлмәси илә бағлы Гарадағ Рајон Мәһкәмәси һөкм чыхарыб.
Бу барәдә Руһанинин вәкили исламазери.аз-а ачыгламасында билдириб.
Гәрардан верилән апеллјасија мәһкәмәсиндә 13 сајлы ЧҸМ-дә Абҝүл Сүлејмановун һансы низамнамәнин һансы тәләбләрини позмасы исә ачыгланмајыб.
Руһанинин вәкили Ҹавад Ҹавадов билдириб ки, апеллјасија гәрарындан Авропа Инсан Һаглары Мәһкәмәсинә мүраҹиәт едилиб: "Һаҹы Абҝүл Сүлејмановун 2013-ҹү илдә Гарадағ рајон Мәһкәмәсинин гәрары илә 6 ај мүддәтинә һәбсханаја кечирилмәсинә даир мәһкәмә гәрарларындан тәрәфимдән Авропа Инсан Һүгуглары Мәһкәмәсинә шикајәт ҝөндәрилиб. Һәмчинин, шикајәтин мәһкәмәјә чатмасына даир вәкил кими мәнә мәктуб да ҝөндәрилиб".
Вәкил Ҹавад Ҹавадов Һаҹы Абҝүл Сүлејмановун 11 ил мүддәтинә азадлыгдан мәһрум едилмәсинә даир Бакы Ағыр Ҹинајәтләр мәһкәмәсинин чыхардығы гәрардан да Авропа мәһкәмәсинә мүраҹиәт едиләҹәјини билдириб: "Һазырда Абҝүл Сүлејмановун 11 ил мүддәтинә азадлыгдан мәһрум едилмәсинә даир мәһкәмә гәрарлары илә бағлы шикајәт һазырланыр вә јахын вахтларда ҝөндәриләҹәк".
Диггәт: Хәбәрдән истифадә етдикдә мәнбәјә истинад лазымдыр
16 fevral 2015 - 22:05
Xəbər kodu: 671504
Вәкил Ҹавад Ҹавадов: "Һазырда Абҝүл Сүлејмановун 11 ил мүддәтинә азадлыгдан мәһрум едилмәсинә даир мәһкәмә гәрарлары илә бағлы шикајәт һазырланыр вә јахын вахтларда ҝөндәриләҹәк".
