Иран халгынын алгышалаjиг иштиракы дүнjаjа өнәмли месажы верди

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран халгынын алгышалаjиг иштиракы дүнjаjа өнәмли месажы верди
Теһранын бу һәфтәки ҹүмә намазынын хәтиби Ислам Ингилабынын гәләбәсинин илдөнүмү ҝүнүндә Иран халгынын милjонлуг иштиракыны иззәтин нүмаjиш етдирилмәси вә зилләти гәбул етмәмәjин ән өнәмли месажы адландырыб.
Теһранын бу һәфтәки ҹүмә намазынын хәтиби Аjәтуллаһ Сеjид Әһмәд Хатәми Иран халгынын Ислам Ингилабынын гәләбәсинин 36-ҹы илдөнүмү jүрүшүндәки мөһтәшәм иштиракыны алгышлаjараг деjиб: Вәфадарлыг, jорулмазлыг вә вәһдәт бу милjонлуг иштиракын мүраҹиәтләридир.
"Мүгавимәт вә Исламла jенидән беjәт халгын Ислам Ингилабынын гәләбәсинин илдөнүмү jүрүшүндәки гәһрәманҹасына иштиракынын әсас сәбәбләриндәндир" деjән Теһранын ҹүмә намазынын хәтибинин сөзләринә ҝөрә, Ислам Ингилабынын гәләбәсинин илдөнүмү ҝүнү jүрүшүндә атылан һәр бир аддым салеһ әмәлдир вә бөjүк савабы вә әҹри вардыр.
Дүнjа ингилабларынын заман кечдикҹә сөнүкдүjүнү, лакин Ислам Ингилабынын гәләбә jүрүшүнүн бу мәсәләнин там әксини ҝөстәрдиjини вә халгын иштиракынын һәр ил даһа да артдығыны бәjан едән Аjәтуллаһ Хатәми әлавә едиб: Ислам Республикасынын даһи баниси Имам Хомеjнинин (рә) Вилаjәт Фәгиһ Доктринасына әсасән Ислам Ингилабынын амаллары әсла зәифләмәмиш, үстәлик заманын кечмәси илә онун әһәмиjjәти даһа да артмыш вә дүнjанын диҝәр jерләриндә өз тәрәфдарларыны артырмышдыр.
Аjәтуллаһ Хатәми Иранын нүвә мүзакирәләри барәсиндә дә деjиб ки, 5+1 Групу, хүсусилә дә Америка алдатмаг ардынҹа идиләр вә Ислам Ингилабынын Бөjүк Рәһбәри дүшмәнләрин планларыны алт-үст едәрәк буjурдулар: Әҝәр анлашма оларса, бир мәрһәләдә вә онун мүддәалары аjдын вә дәjишилмәз олмалыдыр.
Теһранын ҹүмә намазынын хәтиби Иранын нүвә мүзакирәләриндә әлибағлы иштирак етмәсинә даир Амерка рәсмиләринин ачыгламаларына тохунараг вурғулаjыб: Иран халгы тәдбир вә дүшүнҹә илә өз програмларыны излjир.
Диггәт: Хәбәрдән истифадә етдикдә мәнбәjә истинад лазымдыр