Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ирагдакы күрд гүввәләр бу ҝүн ИШИД jараглыларынын әлә кечирдиjи нефт мәнтәгәләринә нәзарәти ҝери алыб. Анҹаг обjектләрин ишчиләринин талеjи барәдә мүхтәлиф мәлуматлар дахил олмагдадыр.
Реутерс хәбәр аҝентлиjи дөвләтин нәзарәтиндә олан Шимал Нефт Ширкәтинин ики рәсмисинә истинадән Ирагын шималындакы Хаббаз нефт jатағындан 15 ишчинин иткин дүшдүjүнү билдирсә дә, Франса хәбәр аҝентлиjи (АФП) ҝиров ҝөтүрүлән 24 ишчинин сәрбәст бурахылдығыны jазыр. Тәһлүкәсизлик рәсмиләри исә обjектләрдә партлаjыҹы маддәләрин jерләшдирилдирилә биләҹәjинә даир хәбәрдарлыг едиб.
Күрд һәрби мәнбәси билдириб ки, дөjүшләр заманы пешмәрҝә маjору снаjпер ҝүлләси илә өлдүрүлүб.
Дүнән исә Ислам Дөвләти групунун jараглылары jүксәк рүтбәли күрд командири вә тәхминән беш күрд дөjүшчүсүнү өлдүрүб.
Бригада ҝенералы Ширко Фатиһ вә беш дөjүшчү Кәркүк шәһәри jахынлығында ҝедән дөjүшләрдә һәлак олмушду.
Франса мәтбуат аҝентлиjи атышма заманы 46 нәфәрин jараландығыны билдириб.
Диггәт: Хәбәрдән истифадә етдикдә мәнбәjә истинад лазымдыр
1 fevral 2015 - 03:02
Xəbər kodu: 668459
Ирагдакы күрд гүввәләр бу ҝүн ИШИД jараглыларынын әлә кечирдиjи нефт мәнтәгәләринә нәзарәти ҝери алыб. Анҹаг обjектләрин ишчиләринин талеjи барәдә мүхтәлиф мәлуматлар дахил олмагдадыр.
