Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бу ҝүн Азәрбајҹанда онларла ҝүнаһсыз инсан даш диварлар арасында әзаблы зиндан һәјаты јашамагдадыр. Онларын “ҹинајәти” һагга тапынмаг, һаггы дилә ҝәтирмәк, һагг уғрунда мүбарызә апармагдыр. Дин вә әдаләт јолунда азадлығыны итирмиш бу иманлы инсанлар арасында нурлу сималы, ағзы дуалы бир һагг ашигинә дә раст ҝәлмәк олар. О, өлкә диндарлары арасында дини әгидәси, дөнмәз мөвгеји илә танынан вә севилән Ахундзадә Руһуллаһ Һөҹҹәт оғлудур. О, өмрүнүн 60-ҹы гышыны мәһбәсдә, даш диварлар арасында гаршылајыб. Ҝәлин әввәлҹә диндар инсаны, савадлы бир зијалыны зиндана ҝәтириб чыхаран мүбаризә јолуна нәзәр салаг.
Ахундзадә Руһуллаһ Һөҹҹәтуллаһ оғлу 1955-ҹи ил јанвар ајынын 21-и Астара рајонунда дәмирјолчу аиләсиндә дүнјаја ҝәлиб. Орта тәһсилини Астара рајонунда алыб, Азәрбајҹан Техники Университетини битириб. Азәрбајҹан Ислам Партијасынын Астара рајон комитәсинин сәдри олуб…
Доғулдуғу рајонда вә өлкә диндарлары арасында сәмими вә һалал бир инсан кими танынмыш Ахундзадә 4 ил бундан әввәл, јанварын 21-дә, гышын ән шахталы вә сојуг ҝүнләринин бириндә һиҹаб репрессијалары далғасында һәбс едиләрәк зиндана атылды.
Азәрбајҹан Республикасы Баш Прокурорлуғу Азәрбајҹан Ислам Партијасы Астара рајон комитәсинин сәдри Руһуллаһ Ахундзадәнин евиндән силаһ-сурсат “тапылмасы” илә бағлы рәсми мәлумат јајды. Бу ағ јалана инанан олмаса да, режим шәр вә бөһтан үсулуна әсасланараг диҝәр исламчылар кими ону да инсан үчүн ән ширин немәт олан азадлыгдан мәһрум етди. Беләҹә пак, јүксәк мәнәвијјатлы инсанлар ән чиркин үсулларла бир-бир һәбс олундулар.
Руһуллаһ Ахундзадә Азәрбајҹан Республикасы Ҹинајәт Мәҹәлләсинин 228.1-ҹи маддәси илә нәзәрдә тутулан ҹинајәт әмәлини “төрәтмәкдә” шүбһәли шәхс гисминдә тутулуб. АИП Астара рајон тәшкилатынын сәдри Руһуллаһ Ахундзадә бу иттиһамла 11 ил 6 ај азадлыгдан мәһрум едилиб. Сонрадан она Ҹинајәт Мәҹәлләсинин 283.1-ҹи (Милли, ирги, сосиал вә ја дини нифрәт вә дүшмәнчилијин салынмасына, милли ләјагәтин алчалдылмасына, һабелә милли, ирги вә ја дини мәнсубијјәтиндән асылы олараг вәтәндашларын һүгугларынын мәһдудлашдырылмасына вә ја үстүнлүкләринин мүәјјән едилмәсинә јөнәлән һәрәкәтләр, ашкар сурәтдә вә ја күтләви информасија васитәләриндән истифадә олунмагла төрәдилдикдә) маддәси илә дә јени иттиһам ирәли сүрүлүб.
Һаҹы Руһуллаһы һәбс етмәклә ону сусдурдугларыны ҝүман едәнләр исә чох јанылдылар. Онун һагг дејән сәси даш диварлар арасында даһа ҝур сәсләнди. Һәгигәти чатдыран фикирләри диҝәр дустаглар арасында ҝениш јајылараг она бөјүк нүфуз газандырды. Һаҹы Руһуллаһ зинданда онларла мәһкуму дүз јола гајтарды, гумар, ички, наркотик кими ҝүнаһ әмәлләрдән узаглашдырды, онлары Аллаһын пак јолуна дәвәт етди. Буна ҝөрә она гаршы тәзјигләр артса да, һагг ашигини сусдурмаг онлара нәсиб олмады. Әксинә, мәһбәсдә газандығы нүфуздан чәкиндиләр.
Јанварын 21-и онун әгидә достлары, зиндандакы һәмфикирләри, јахынлары, гоһумлары вә тәмсил етдији партијанын бүтүн үзвләри үчүн хүсуси бир ҝундүр. Һәмин ҝүн Руһулла Ахундзадәнин доғум ҝүнү иди, заман онун өмрүнә јуварлаг бир рәгәм әлавә етди.
Һәјатда 60 јаша гәдәм гојду, зиндан өмрүндән исә даһа 4 ил өтдү. 60 јаша гәдәм гојмаг мүдриклик чағына гәдәм гојмаг демәкдир. Зиндан исә мөминләр үчүн сынаг вә имтаһан гапысыдыр. Бу сынаглардан алныаҹыг чыхан Мөвсүмләр, Руһуллалар, Фарәмәзләр, Абҝүллләр,Талеләр Әһли -Бејт мәктәбинин лајигли давамчылары олдуғларыны сүбут етдиләр. Сынмадылар, тәзјиглар, ишҝәнҹәләр, азадлығы итирмәк өнлары ҹисмән зәифләтсә дә, мәнән даһа да мөһкәмләндирди, мүбаризә әзмләрини даһа да јүксәлтди. Аллаһ тезликлә гапыларыны ачсын, АМИН!
Тәбрик едирик сәни, әзиз гардашымыз Руһулла! Арзу едирик ки, 60-ҹы јаш ҝүнүн зинданда кечирдијин сон доғум ҝүнүн олсун. Сәни шәрләјәнләрин зүлмәт дүнјасы бир аз да гаранлыға гәрг олду. Һесаб вахти онлар өз ијрәнҹ әмәлләринә һеч ҹүрә һагг газандыра билмәјәҹәкләр. Иблисә хидмәт едәнләрин сон мәканы ҹәһәннәм олаҹаг, иншаллаһ. Бу, онларын өзләринин сечдији шәрәфсизлик јолудур. Сәнин вә зинданда әзаб чәкән бүтүн әгидә дотларынын јолу исә пак вә нурлу һагг јолудур. Јолунуз ачыг олсун!
Диггәт: Хәбәрдән истифадә етдикдә мәнбәјә истинад лазымдыр
