Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бирләшмиш Милләтләр Тәшкилаты малијјә проблемләрини бәһанә ҝәтирәрәк јәһуди азғынлары тәрәфиндән дағыдылмыш фәләстинлиләрин евләринин тәмири үчүн һәјата кечирәҹәји лајиһәдән бојун гачырдыб.
Бунун ардынҹа Бирләшмиш Милләтләр Тәшкилатынын Фәләстин Халгына гаршы јүрүтдүјү икили стандартлардан боғаза јығылмыш мәзлум халг күтләси бу ҝүн 28 Јанвар 2015 тарихдә БМТ-нин Гәззә Золағындакы офисинә јүрүш едибләр.
200 нәфәрдән артыг олан етиразчылар БМТ-нин UНRWА адлы Гачгынларла Бағлы Шөбәсинин офиси гаршысында топлашараг “Биз Һәлә дә Евсизик” шүарларыны сәсләндирибләр.
Гәзәбли аксија иштиракчыларындан бир групу бинанын дахилинә ҝирмәјә ҹәһд ҝөстәрсә дә лакин Һәмас полис гүввәләри аксија иштиракчыларыны өнүн кәсәрәк әразидән узаглашдыра билибләр.
Гејд едәк ки, бу ҝүн баш верән һадисәнин әсас сәбәби өтән ҝүн 27 Јанвар 2015 тарихдә БМТ-нин UНRWА Гачгынларла Бағлы Шобәси ҹүһүд ишғалчыларынын өтән илин јајында 51 ҝүн әрзиндә Гәззә Золағындакы јашајыш мәнтәгәләринә һавадан ендирдији зәрбәләр нәтиҹәсиндә дағыдылмыш биналарын бәрпасы илә бағлы вердији бәјанат олуб. Белә ки, бәјанатда билдирилиб ки, јәһудиләрин Гәззә Золағында дағытдыглары јашајыш мәнзилләринин бәрпасы вә тәмири үчүн һазыр олан өлкәләр вердикләри вәдәләрдән бојун гачырдыблар. Елә буна ҝөрә дә, БМТ Гәззә Золағындакы он минләрлә евләрин бәрпасы вә јахуд јенидән тәмир олмасына јардым ҝөстәрмәк игтидарында дејилдир.
Хатырладаг ки, јәһудиләрин 51 ҝүнлүк мүһарибәсиндән сонра 100 мин Гәззә сакини индијә кимин евсиз галыб вә гышын бу сојуг чағларында һәлә дә, харабалыгларда јашамагда давам едирләр.
Мүтәхәссисләрин вердикләри прогнозда билдирилир ки, јәһудиләр әҝәр Гәззә Золағынын мүһасирәсини ачсалар да белә јенә Фәләстин халгынын дағыдылмыш евләринин инша вә тәмир ишләри бир нечә узун илләр чәкәҹәк.
Диггәт: Хәбәрдән истифадә етдикдә мәнбәјә истинад лазымдыр
