Украjна Русиjадан Минск разылашмаларына әмәл олунмасыны тәләб едир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Украjна Русиjадан Минск разылашмаларына әмәл олунмасыны тәләб едир
Украjна президенти Пjотр Порошенко Русиjалы һәмкары Владимир Путинә мәктуб үнванлаjараг Минск разылашмаларына әмәл олунмасыны тәләб едиб.
"Репорт" РИА "Новости" аҝентлиjинә истинадән хәбәр верир ки, мәктубда геjд олунур ки, Донбас бөлҝәсиндә jашанан бөһранын гаршысыны анҹаг Минск разылашмаларынын мүддәаларыны һәjата кечирилмәклә алмаг мүмкүндүр.

ППорошенко һәмчинин һазырда Русиjада һәбсдә олан Украjналы һәрби пилот Надежда Савченконун азад едилмәсини истәjиб.
Геjд едәк ки, jанвар аjынын ортасында В.Путин дә Киjевә мәктуб үнванламышды. Русиjа президенти тәрәфләрә Донбас бөлҝәсиндәки ағыр техниканын арха ҹәбһәjә чәкилмәсини тәклиф етмишди.
Хатырладаг ки, өтән илин сентjабр аjында Минскдә Украjна һөкумәтилә танынмамыш Донетск вә Луганск "халг республикалары" арасында атәшкәс разылашмасы имзаланыб. Данышыгларда Украjнанын сабиг президенти Леонид Кучма, танынмамыш "Донетск Халг Республикасы"нын баш назири Александр Захарченко, танынмамыш "Луганск Халг Республикасы"нын рәһбәри Игор Плотнитски, Русиjанын Киjевдәки сәфири Михаил Зурабов, һәмчинин АТӘТ тәмсилчиси Һаjди Талjавини иштирак едибләр.
Имзаланмыш сәнәд 12 бәнддән ибарәтдир. Орада атәшкәсә әмәл олунмасы вә әсирләрин дәjишдирилмәси әксини тапыб. Зурабовун билдирдиjинә ҝөрә, атәшкәс сәнәдин илк маддәсиндә әкс олунуб, диҝәр мүддәалар исә мониторинг үзрә структурун jарадылмасыны нәзәрдә тутур. Атәшин даjандырылмасы әмриндән сонра Украjна президенти Пjотр Порошенко хариҹи ишләр назири Павел Климкинә АТӘТ-лә бирликдә "атәшкәс разылашмасына әмәл олунмасына еффектив беjнәлхалг нәзарәт"ин тәмин олунмасыны тапшырыб. Порошенконун сөзләринә ҝөрә, Минск разылашмасы онларын тәклиф етдикләри сүлһ планына әсасланыр.
Диггәт: Хәбәрдән истифадә етдикдә мәнбәjә истинад лазымдыр