Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ниҝеријада олмазын ҹинајәтләри төрәдән вәһһаби әгидәли Боко Һарам террор груплашмасы оғурладығы гадын вә азјашлы ушаглары өлкәнин шималында камиказе әмәлијјатлары һәјата кечиртмәјә вадар едир.
Вериск Маплеҹрофт мүәссисәсинин Африка үзрә али тәһлилчиләриндән бири Боко Һарам јараглыларынын террор әмәлијјатларындакы јени үслубларыны ифша едәрәк билдириб: “Боко Һарам радикал груплашмасы азјашлы ушаглара һәрби тәлимләр кечәрәк, террор әмәлијјатларында онлардан истифадә едир”.
Африка мәсәләләри үзрә аналтик даһа сонра дејиб: “Боко Һарам екстримистләри интиһар вә террор әмәлијјатларыны һәјата кечиртмәк үчүн гадын вә азјашлы ушаглардан аслыдыр. Чүнки радикаллар иҹтимаијјәт дахилины сыза билмәдикләри үчүн гадын вә азјашлы ушаглардан истифадә едирләр. Белә ки, гадын вә ушагларын јохланыш мәнтәгәләриндән раһатҹа кечмәләри мүмкүндүр”.
Аналтикин фикринҹә Боко Һарам террорчуларынын белә бир аддым атмалары онларын иҹтимаијјәтин бүтүн тәбәгәләринә нүфуз едиб истәнилән шәхсин бејинин јумаја гадир олдуғуну ҝөстәрир.
Диггәт: Хәбәрдән истифадә етдикдә мәнбәјә истинад лазымдыр
