Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Ислам Ингилабы Кешикчиләри Корпусу ( Сепаһын ) баш командан әвәзедиҹиси деjиб : Фактики олараг ракетләримиз Сионист режимин бүтүн обjектләрини һәдәфә алмаг габилиjjәтиндәдир вә имканларымыз ислам дүнjасынын ихтиjарындадыр.
Мүсәлманлары һимаjә мөвгеjимизи дәjишмәjәҹәк деjән ҝенерал Һүсеjн Сәлами бу ҝүн сәһәр чағы Иран вә Оманын милли мүдафиә университети мүәллимләринин мүштәрәк конфрансында етдиjи чыхышында сионист режимин мөвҹудлуғуну тәһгир едиб вә деjиб: Исраил чох кичик вә зәиф бир режимдир . Бу режим, jалныз мүсәлманларын зәифләдиjи заман ҝүҹләнә биләр. Бу , бир һәгигәт вә тәһлүкәсизлик балансыдыр.
Сепаһ-ын баш командан әвәзедиҹиси әлавә олараг деjиб : ИИР өз милли тәһлүкәсизлиjи тәһлүкә алтына дүшдүjү һәддә гәдәр бөjүк меjданларда мүсәлманлары һимаjә едиб вә өз мөвгеjиндән ҝери чәкилмәjибдир.
Босниjа вә Һерсеговина мүсәлманларыны һимаjә аjдын бир нүмунәдир . Әлбәттә онунла бағлы бүтүн реаллыглары бәjан етмәк олар. Лакин Ливанда Һизбуллаһын jенидән ҹанланмасы еләҹәдә Исраил режиминин Фәләстин вә Ливан дөjүшчүләри гаршысында мүтәмади сурәтдә мәғлубиjjәтлә үзләшмәси дедикләримизә диҝәр аjдын нүмунәләр ола биләр.
Ҝенерал Сәлами һәмчинин өтән ҝүнү Сәрдар Аллаһдадинин сон мәнзилә jолла салынмасы илә бағлы кечирилән мәрасимә ишарә едәрәк деjиб : Дүнән Ҹолан jүксәкликләриндә шәһид олмуш иранлы бир сәрдарын сон мәнзилә jола салынмасы мәрасиминин кечирилмәсинин шаһиди олдуг. Сионист режимин һүҹумунда , бу иранлы сәрдар вә диҝәр бир нечә ливанлы мүбаризин ганы бир-биринә говушду. Бу бизим һәмрәjлиjимизин ҝөстәриҹисидир.
Диггәт: Хәбәрдән истифадә етдикдә мәнбәjә истинад лазымдыр
22 yanvar 2015 - 16:20
Xəbər kodu: 666472
Ислам Ингилабы Кешикчиләри Корпусу ( Сепаһын ) баш командан әвәзедиҹиси деjиб : Фактики олараг ракетләримиз Сионист режимин бүтүн обjектләрини һәдәфә алмаг габилиjjәтиндәдир вә имканларымыз ислам дүнjасынын ихтиjарындадыр.
