Сәлаһәддин Өзҝүндүз ачыг данышды: Биз Һизбуллаһын jанындаjыг!

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Сәлаһәддин Өзҝүндүз ачыг данышды: Биз Һизбуллаһын jанындаjыг!
Түркиjә шиәләринин алимләриндән олан Сәлаһәддин Өзҝүндүз Исраилин "Һизбуллаһ"а һүҹумуна мүнасибәт билдириб
Сәлаһәддин Өзҝүндүз Исраилин террор һүҹумуну писләjәрәк деjиб: "Исраил һүҹуму нәтиҹәсиндә Һизбуллаһ әсҝәрләриндән  9 шәһид олан вар. Руһлары шад олсун. Дүнән бир нечә jүз нәфәр идиләр, силаһсыздылар. Исраил, Беjрута гәдәр Ливаны ишғал етмиш, оранын һөкүмәтини дә өзү идарә едирди.  АБШ, Инҝилтәрә вә Италиjа ордулары да Беjрута ҝирмиш, Исраилин jанында идиләр. О бир нечә jүз нәфәр бунларын һамысыны Ливандан говмаға мүвәффәг олдулар. Сонра бу мәғлубиjjәти һәзм етмәjән сионистләр бир нечә дәфә һүҹума кечди, өз имиҹини хилас етмәк истәjирди, амма бундан даһа бөjүк мәғлубиjjәтләрә уғрадылдылар вә Ливандан гачмаға мәҹбур олдулар."
Түкиjәнин шиә алимләриндән олан Өзҝүндүз Ливана һүҹум едән Исраил ордусунун 33 ҝүнлүк мүһарибә заманы мәғлубиjjәтинә дә ишарә едиб: "О вахт "Бир һәфтә сонра дүнjа Һизбуллаһсыз олаҹаг" деjирдиләр, ән рүсваjедиҹи мәғлубиjjәти дә онда jашадылар. 1982-ҹи илдә Исраил Гәрбин дәстәjинә бахмаjараг габағында дура билмәдиjи бир нечә jүз нәфәрлик "Һизбуллаһ", инди jүзминлик - өзүнүн ракети, пилотсуз тәjjарә вә модерн силаһларыны истеһсал едән ордуjа саһибдир. Бүтүн дөjүшчүләрин һамысы өнәмли иҝидләрдир. Шәһадәтә чатанлар шәһидлик зирвәсиндән башга диҝәр jүз минлик әсҝәрләрдән үстүн ҹәһәтләри jохдур. Онлар, Исраилә дүнjаны дар етмиш, онун мәғлубедилмәз мифини jох етмиш, өзәлликлә әрәбләрин, үмумән мүсәлманларын jох олан руһ jүксәклиjини jенидән дирилтмиш бир мүгавимәтин, бу гәдәр шәһид вермәси тәбиидир. Һәгигәтән "Һизбуллаһ"ын әрләри бири өлүр, бири дирилир, дүшмән тез севинмәсин, дост ҹәбһә дә нараһат олмасын."
Сонда  Өзҝүндүз деjиб: "Биз вә Исраилә гаршы Ислам вә мүсәлманларын бирлик, дирилик вә онур мүһарибәсини едән "Һизбуллаһ"ын jанындаjыг. Исраилин һүҹум етдиjи "Һизбуллаһ"а гаршы, Исраилин дәстәкләдиjи груплашмаларын тәрәфиндә оланларын, Исраилә гаршы фикирләри сәмими вә инандырыҹы ола биләрми?"
Диггәт: Хәбәрдән истифадә етдикдә мәнбәjә истинад лазымдыр