Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Русиjада мүсәлманлар 100 минлик митингә һазырлашыр
Русиjанын паjтахт шәһәриндә мүсәлманлар Һәзрәт Мәһәммәд Пеjғәмбәрин карикатурасына етираз олараг аксиjа кечирмәjә һазырлашырлар.
ФактХәбәр-ин вердиjи мәлумата ҝөрә, Бу барәдә jанварын 15-дә мериjаjа мүраҹиәт олунуб. Аксиjанын өзү исә jанварын 25-дә академик Сахаров проспектиндә планлашдырылыр. Тәһшкилатчылар митигдә 100 миндән чох инсанын иштирак едәҹәjини дүшүнүрләр.
«Биз митингдә тәһгир олунан диҝәр динләрин нүмаjәндәләринин дә иштиракыны истәjирик» деjә Әли Чаринскиj билдириб. Сөһбәтин мәһз һансы материалдан ҝетдиjиниисә активист дәгигләшдирмәjиб. Садәҹә ону деjиб ки, хәбәрләри изләjән һәр бир кәс сөһбәтин нәдән ҝетдиjини билир.
«Данышыр Москва» радиосуна мүсаһибә верән Чаринскиj сөзләринә буну әлавә едиб: «Һүгуги нормалары горумагла өз мөвгеjимизи билдирмәк истәjирик. Биз иҹтимаи күтләнин нүмаjәндәләринә, әсасән дә журналистләрә бизим үчүн мүгәддәс олан мәсәләри аjдынлашдырмаг вә «ифадә азадлығы» бәһанәси илә сәрһәдди кечәjин дүзҝүн олмадығыны анлатмаг истәjирик», - деjә о, әлавә едиб.
Диггәт: Хәбәрдән истифадә етдикдә мәнбәjә истинад лазымдыр
17 yanvar 2015 - 15:13
Xəbər kodu: 665372
Русиjанын паjтахт шәһәриндә мүсәлманлар Һәзрәт Мәһәммәд Пеjғәмбәрин карикатурасына етираз олараг аксиjа кечирмәjә һазырлашырлар.
