Обама: “Фәләстинин Беjнәлхалг Ҹинаjәт Мәһкәмәсинә үзв олмаг һүгугу jохдур”

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,  АБШ президенти Барак Обама Фәләстинин Беjнәлхалг Ҹинаjәт Мәһкәмәсинә гошулмасыны мәнфи гиjмәтләндириб.
Бу барәдә АБШ президенти Исраилин Баш назири Бенjамин Нетанjаһу илә телефон данышығы заманы билдириб.
 “Президент Обама АБШ-ын мөвгеjини бир даһа тәсдигләjиб. Фәләстинин Беjнәлхалг Ҹинаjәт Мәһкәмәсинә үзв олмаға һүгугу jохдур. Фәләстин дөвләт олмадығына ҝөрә бу гурума гошула билмәз. Бу конструктив аддым деjил,”, Ағ Евин мәлуматында деjилир.
Мәлум олдуғу кими, БМТ-нин Баш катиби Пан Ги Мун Фәләстинин апрелин 1-дән Беjнәлхалг Ҹинаjәт Мәһкәмәсинә гошулаҹағыны билдирмишди. Мәһкәмәjә үзвлүк  Фәләстинә Исраилә гаршы беjнәлхалг мәһкәмәләрдә һәрби ҹинаjәтләрлә бағлы иддиалар галдырмаға имкан верәҹәк.
Диггәт: Хәбәрдән истифадә етдикдә мәнбәjә истинад лазымдыр