Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, азғын әш-Шәбаб сәләфи јараглы бирләшмәнин Африка өлкәләриндә апардығы террор әмәлијјатлары сәнҝимир.
Сомали Дахили ишләр Назирлијинин сөзчүсү Муһәммәд Јусуфун билдирдијинә ҝөрә, әш Шәбаб јараглылары 25 Декабр, 2014 тарихдә пајтахт Мугадишу-да нөвбәти террор әмәлијјаты һәјата кечирдибләр.
“Африка Бирлијинин Гәрарҝаһына гаршы һәјата кечирилән террор актында сәләфи террорчларындан 4 үнсүрү мәһв едилмиш вә даһа дөрд үнсүр исә әсир дүшмүшдүр”- дејә Муһәммәд Јусуф билдириб.
Мәлумата ҝөрә, јараглыларла мүбаризәдә “Амисум” кими танынан Африка Бирлији сүлһмәрамлы гүввәләринин, үч әсҝәр һәлак олуб.
Сомали кәшфијјат идарәсинин нүмајәндәси “Франс Пресс”ә вердији ачыгламасында билдириб: “Зәкәријјә Исмајыл Әһмәд Һерси Гидо әјаләтиндә полисә тәслим олуб”.
Гејд едәк ки, Зәкәријјә Исмајыл Әһмәд Һерси Гидо әш Шәбаб террор груплашмасынын танынмыш “хәфијјә”ләриндән биридир. Вә АБШ рәсмиләри онун тутулмасы үчүн 3мин доллар һәдијјә вәд вермишдир.
Диггәт: Хәбәрдән истифадә етдикдә мәнбәјә истинад лазымдыр
