14 сајлы ҸЧМ-дә Рза Ағалы вә даһа 10 мәһбуса гаршы нөвбәти зоракылыг һадисәси - Диндарлар “карс”а салынды

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ҹари илин декабрын 22-дә 14 сајлы ҹәзачәкмә мүәссисәсиндә мәһкумлар 31 јашлы мәһкум Елшад Бабајевин ишҝәнҹә илә өлдүрүлмәсиндән сонра һәбсханада баш верән һагсызлыға етираз едибләр.

Артыг 14 сајлы ҹәзачәкмә мүәссисәсиндә мәһкумларын һәјаты ҝетдикҹә ағырлашыр.

Белә ки, он нәфәрдән чох мәһбус ҹәзачәкмә мүәссисәсиндә кечирилән етираз аксијасында иштирак етдији үчүн ҹәзачәкмә камерасына салыныб. Һәмән мәһбуслар арасында Масаллы рајонунда ШӘРЛӘНӘРӘК 7 ил азадлыгдан мәһрум едилән Рза Ағалы да вар.

Һал-һазырда һәбсхана дахилиндә ҹидди арашдырмалар ҝедир, бундан сонра да етираз аксијасында иштирак едән диҝәр мәһкумлардан "карс"а салынаҹағы ҝөзләнилир. Әсасән һәбсхананын "ишверән" мәһкумлары өлдүрүлән идманчы мәһкум Е.Бабајевин әтрафында олан мәһкумларын үзүнә дурур вә бундан сонра һәмән мәһкумлар ҹәза камерасына салыныр.

Мәлумата ҝөрә, артыг һәбсханада гануни режим активләшиб. Белә ки, мәһкумлара һәфтәдә ики дәфә телефонла данышмаг үчүн јени ганун тәтбиг едилиб.

Мәһкумлар мәҹбури олараг јемәкханалара апарылыр. Һәбсханада олан диҝәр бир јемәкхана һәбсхана рәһбәрлији тәрәфиндән бағланылыб. Һәбсхана әтрафында "јухары"дан ҝәлмиш мәмурлар һадисә барәдә ҹидди арашдырма апарыр.

Мәһкумлар јемәкханада олан дөзүлмәз шәраитдән наразыдырлар. Јемәкләр јағсыз вә әтсиз олур. Бүтүн мәһкумлара јемәк чатдыра билмирләр.

Мәһкум Елшад Бабајеви ишҝәнҹә илә өлдүрән 5 надзор - Фирдовси, Фаиг, Раһид, Исмајыл вә Вүгар һәбсхана әтрафында ҝөзә дәјмир.

Ҝөрүшә ҝәлән аиләләр јахынлары илә чәтинликлә ҝөрүшә билирләр.


Диггәт: Хәбәрдән истифадә етдикдә мәнбәјә истинад лазымдыр