Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Исвечдә анти-Ислам һадисә баш вериб.
Исвеч полисинин билдиришинә ҝөрә, 25 Декабр 2014 тарихдә, пајтахт Стокһолмун 90 км гәрбиндә јерләшән Ескилстун шәһәриндә намәлум шәхсләр Мәсҹидин дахилинә јанаҹаг олан шүшә габ атыблар. Ҹинајәт һадисәси нәтиҹәдә Мәсҹиддә ҝүҹлү јанғын баш вериб.
Стокһолм полис бөлмәсинин сөзчүсү һадисәнин неҹә баш вердији һагда ачыглама верәрәк билдириб: “Намәлум шәхс Мәсҹидин бағлы пенҹәрәсиндән дахилә алышдырыҹы бир шеј атыб. Бундан сонра Мәсҹид од тутараг јанмаға башлајыб. Һадисә заманы Мәсҹиддә 15-20 Мүсәлман олуб. Онлардан ән азы беш нәфәри хәсарәт алараг хәстәханалара чатдырылыб.”
Полис бөлмәсинин сөзчүсү јанғыны төрәдән шәхләрин ахтарышы барәдә гәрарын верилдијини билдирәрәк гејд едиб ки, һәләлик полис шүбһәли гисминдә мүәјјән бир шәхс вә ја груп үзәриндә шүбһәләнмир.
Диггәт: Хәбәрдән истифадә етдикдә мәнбәјә истинад лазымдыр
