Бакы Тибб Университетинин дипломуну Иран тәсдигләмир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бакы Тибб Университетинин дипломуну Иран тәсдигләмир
Иранын сәһиjjә, мүалиҹә вә тибби тәһсил назири деjир: Һәләлик Бакы Тибб Университетини битирмиш иранлы тәләбәләрин дипломунун етибары jохдур вә бу назирлик тәрәфиндән тәсдигләнмир.
Бакы Тибб Университетиндә тәһсил алан иранлы тәләбәләрин тәһсил вәзиjjәтинин арашдырылмасы мәгсәдилә Азәрбаjҹан Республикасына сәфәр едән Иран Хариҹи Ишләр Назирлиjинин өлкәдән хариҹдәки иранлыларын мәсәләләри үзрә шөбәсинин баш директору Сеjид Казым Сәҹҹади вә Иранын Сәһиjjә, Мүалиҹә вә Тибби Тәһсил Назирлиjинин гиjмәтләндирмә шөбәсинин баш директору Доктор Әкбәри бу университетин иранлы тәләбәләри илә ҝөрүшәрәк Азәрбаjҹан Республикасы университетләриндә тәһсилин вәзиjjәти барәсиндә онларын фикирләрини динләjибләр.
Иран Хариҹи Ишләр Назирлиjинин өлкәдән хариҹдәки иранлыларын мәсәләләри үзрә шөбәсинин баш директору Бакыда Сәһәр телеканалы мүхбири илә мүсаһибәдә әлавә едиб: Бакы Тибб Университети тәрәфиндән верилән дипломларын етибарлылығы барәсиндә арашдырмаларын нәтиҹәләри илин сонуна гәдәр елан олунаҹаг.
Һазырда бир груп Иран вәтәндашы Азәрбаjҹан Республикасынын Тибб Университетиндә һәкимлик, стоматолог вә әҹзачылыг факүлтәләриндә тәһсил алыр. Иранын Сәһиjjә Назирлиjи билдириб ки, бу университетин дипломлары тәсдигләнмир.
Азәрбаjҹан Тибб Университетинин рәсмиләри иддиа едирләр ки, бу университетин тәһсили беjнәлхалг стандартлара уjғундур.
Диггәт: Хәбәрдән истифадә етдикдә мәнбәjә истинад лазымдыр