Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һаҹы Илгар Ибраһимоғлу сосиал шәбәкәдә танынмыш илаһијјатчы Елшән Мустафаоғлунун һәбсинә реаксија вериб.
О, баш вермиш өзбашыналыг һагда белә дејиб: “Хәбәр верилдији кими, танынмыш маарифчи вә иҹтимаи фәал Елшән Мустафаоғлу һәбс едилиб. Анлашылмаз сәбәбләр уҹбатындан вә гаранлыг галан мәгамлар сәбәбиндән, Елшән Мустафаоғлу кими бир зијалы инсан барәдә һәбс гәти-имкан тәдбири сечилиб. Мән Елшән Мустафаоғлуну илләрдир ки, таныјырам. Чох дүрүст, ләјагәтли, садиг инсандыр. Мустафаоғлу арашдырмачы-алим, иҹтимаи фәал олмагла јанашы, чох актив маарифчыдыр. Бунунла бәрабәр, онун јанашмаларында гырмызы хәтт кими һәр заман дөвләтчилик тәфәккүрү кечиб".
И.Ибраһимоғлу даһа сонра гејд едиб ки, Мустафаоғлунун һәбсинә инанмаг олмур: "Мәмләкәтин сајылы маарифчиләриндәндир Елшән Мустафаоғлу. Һәр заман шәффаф, дүрүст фәалијјәти илә сечилиб. Тәәҹҹүблүдүр ки, Е.Мустафаоғлу јениҹә ГМИ-дә ҝөрәвли поста ҝәтирилмишди. 10 илдән артыгдыр ки, ТВ-дә мүәллиф програмларынын апарыҹысыдыр. Һәртәрәфли публик бир шәхсдир. Бәс нә баш верди?! Елшән Мустафаоғлу кими бир зијалы нә етди ки, онун барәсиндә мәһз белә сәрт гәти-имкан тәдбири сечдиләр?! Инанмаг истәјирәм ки, тезликлә гапысы ачылаҹаг, баш верән бу дәһшәт, бир анлашылмазлыг кими изаһ едиләҹәк. Аллаһа пәнаһ...”.
Диггәт: Хәбәрдән истифадә етдикдә мәнбәјә истинад лазымдыр
20 dekabr 2014 - 17:32
Xəbər kodu: 659616
Һаҹы Илгар: “Мәмләкәтин сајылы маарифчиләриндәндир Елшән Мустафаоғлу. Һәр заман шәффаф, дүрүст фәалијјәти илә сечилиб. Тәәҹҹүблүдүр ки, Е.Мустафаоғлу јениҹә ГМИ-дә ҝөрәвли поста ҝәтирилмишди. 10 илдән артыгдыр ки, ТВ-дә мүәллиф програмларынын апарыҹысыдыр. Һәртәрәфли публик бир шәхсдир. Бәс нә баш верди?! Елшән Мустафаоғлу кими бир зијалы нә етди ки, онун барәсиндә мәһз белә сәрт гәти-имкан тәдбири сечдиләр?!”
