Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Түркиjәдә бу ҝүн һәjата кечирилән вә Фәтуллаһ Ҝүләнә jахын олан медиа мәнсубларынын һәбси илә нәтиҹәләнән әмәлиjjаты бир чохлары 2013-ҹү илдә башлаjан “Коррупсиjа вә рүшвәт әмәлиjjаты”нын әвәзи саjыр.
2013-ҹү ил 17 декабрда башлаjан вә Түркиjәни силкәләjән “Коррупсиjа әмәлиjjаты”нда назир оғуллары да ҝөзалтына алынды, бир нечә назир исә истефа вермәjә мәҹбур олду. “Ҝүләнин дөвләт ичинә сызмыш адамлары” олараг характеризә едилән шәхсләрин һәjата кечирдиjи әмәлиjjатлар бир нечә аj давам едән бөjүк сиjаси далғаларла мүшаjиәт олунду.
Һазырда исә бу зәрбәдән 2014 сечкиләриндә итки вермәдән чыхан АКП-нин рәгибә гаршы сонунҹу һәмләси мүзакирә мөвзусудур. Декабрын 14-дә кечирилән әмәлиjjаты сиjасиләр “ҹаваб әмәлиjjаты” адландырырлар вә һәбсләрин давам едәҹәjи ҝүманыдадырлар.
Бу арада исә Баш прокурор Һади Салиһоғлунун имзасы илә медиаjа jазылы ачыглама jаjылыб, әмәлиjjатла бағлы мүфәссәл мәлумат верилиб. Билдирилиб ки, Һидаjәт Караҹа, Әкрәм Думанлы, Фаһри Саррафоғлу, Һүсеjн Ҝүләрҹә, Әһмәд Шаһин, Нуһ Ҝөнүлдаш, Наҹи Челик Берксоj, Алы Сами Ноjан, Алы Кара, Әлиф Јылмаз, Радиjә Әбру Шәнвардар, Һикмәт Томбулҹа, Салиһ Асан, Макбулә Чам (Еламдағ), Енҝин Коч, Туфан Әрҝүдер, Мутлу Екизоғлу, Ертан Ерчыкты, Мустафа Кылычаслан, Фәрди Ташкаjа, Аjһан Акча, Меһмет Алы Доған, Алы Ҹиһан, Мустафа Уjанык, Һалит Акбулут, Четин Өзтүрк, Рыфат Аслан, Әрдәм Кыса, Мустафа Алтунбулаг, Јакуб Әрҝүл вә Рәҹәп Ҝүләчин 13.12.2014 тарихли тәлиматла силаһлы түррор тәшкилаты гурмаг, идарә етмәк иттиһамы илә шүбһәли гисминдә һәбс едилмәләринә ҝөстәриш верилиб. 14 декабр 2014-ҹү ил тарихдә 08.00-дан етибарән әмәлиjjат башлаjыб. Индиjә гәдәр 12 нәфәр һәбс едилиб. Шүбһәли Әкрәм Думанлы полисләрә тәслим олмадығы үчүн һәбс гәрары “Заман” гәзетинин бинасында jеринә jетирилиб. Әмәлиjjат давам едир”.
Һазырда бу һәбсләрә етираз едән бир груп шәхс исә Анкара мәһкәмә бинасы өнүндә мүхтәлиф шүарларла аксиjа кечирир.
Диггәт: Хәбәрдән истифадә етдикдә мәнбәjә истинад лазымдыр
15 dekabr 2014 - 02:48
Xəbər kodu: 658292
Түркиjәдә бу ҝүн һәjата кечирилән вә Фәтуллаһ Ҝүләнә jахын олан медиа мәнсубларынын һәбси илә нәтиҹәләнән әмәлиjjаты бир чохлары 2013-ҹү илдә башлаjан “Коррупсиjа вә рүшвәт әмәлиjjаты”нын әвәзи саjыр.
