Әһли Бејт (әлејһимус сәлам) -АБНА- Хәбәр Аҝентлији- Мәшһур инҝилтәрәли ашпаз Ҹејми Оливер билдириб: “Валидејнләр өз ушагларынын өмрүнү мүрәккәб фәндләрә әл атмадан 13 ил узада биләрләр”.
Сағлам гида саһәси үзрә експертләр дә онун дедикләринин доғрулуғуну тәсдигләјибләр.
Чохларына елә ҝәлир ки, ушагларда ширнијјата хүсуси һәрислик вар вә һәјатда һәгигәтән дә балаҹаларын дондурма вә конфетләрә бөјүк севҝисини ҝөстәрән кифајәт гәдәр нүмунә мөвҹуддур. Лакин Ҹ.Оливерин сөзләринә ҝөрә, бу һеч дә белә дејил. Јәни ушаглар һеч дә ширин вә јағлы гидадан истифадә үзрә програмлашмајыблар. Онун сөзләринә ҝөрә, буну јадда сахлајараг, валидејнләр зәрәрли мәһсуллардан гачмагла "ушаглар үчүн ҹәлбедиҹи олан сағлам гида" һазырлаја биләрләр.
Мәшһур ашпазын фикринҹә, илк нөвбәдә, мәктәбләрин јахынлығында гејри-сағлам гидаларын сатышы гадаған едилмәли, тәркибиндә шәкәр олан мәһсулларын сатышына исә әлавә верҝи тәтбиг едилмәлидир. Дедикләрини сүбут етмәк үчүн мүтәхәссис бу јахынларда мәтбуатда дәрҹ олунан сарсыдыҹы рәгәмләрИ мисал ҝәтирир. Һәмин рәгәмләрә ҝөрә, һәр он ушагдан бири ибтидаи мәктәбә дахил оларкән ашкар ҝөрүнән пијләнмәдән әзијјәт чәкир, ушаглар 10-11 јашларында оларкән бу рәгәм артыр вә артыг һәр беш нәфәрдән бири пијләнмәјә мүбтәла олур.
Гидаланма үзрә експертләр ән садә мәһсуллардан чох дадлы јемәкләрин һазырланмасынын мүмкүн олдуғуну дејән Ҹејми Оливерин шәрһләри илә һәмрәј олдугларыны билдирибләр. Онларын сөзләринә ҝөрә, валидејнләр, илк нөвбәдә, өз өвладларында пијләнмәнин инкишафына, даһа сонра исә бу проблемдән гачмагда онлара көмәк етмәјә ҝөрә мәсулијјәт дашыјырлар.
Британија мәтбуатында дәрҹ олунан експерт ачыгламаларында дејилир: "Пијләнмәдән әзијјәт чәкән ушагларын јухары јашларда даһа пијли олаҹаглары еһтималы бөјүкдүр. Һәмчинин, онлар үрәк хәстәликләриндән, 2-ҹи тип диабетдән, инсулт вә хәрчәнҝин бир нечә нөвүндән әзијјәт чәкәҹәкләр. Онлар, һабелә сүмүк вә ојнагларла бағлы проблемләрин инкишафы, јухуда тәнәффүсүн дајанмасы илә бағлы бөјүк рискә мәруз галаҹаглар".
Диггәт: Хәбәрдән истифадә етдикдә мәнбәјә истинад лазымдыр
11 dekabr 2014 - 18:43
Xəbər kodu: 657596
Гидаланма үзрә експертләрин сөзләринә ҝөрә, валидејнләр, илк нөвбәдә, өз өвладларында пијләнмәнин инкишафына, даһа сонра исә бу проблемдән гачмагда онлара көмәк етмәјә ҝөрә мәсулијјәт дашыјырлар.
