Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Әфганыстанда Талибан јараглыларынын террор әмәлијјатлары сәнҝимир.
Белә ки, өтән ҝүн, бир нечә Талибан террорчу үнсүрләриндән ибарәт дәстәнин јардымы илә, Гәндһар вилајәтинин полис бөлмәси гаршысында итиһар һадисәси баш вериб. Баш верән террор әмәлијјатында 5 инсан һәјатын итириб.
Мәлумата ҝөрә, әјнинә полис униформу ҝејинмиш аднормал Талибан интиһарчысы партлајыҹы маддәләр илә јүкләнмиш машыны Мијунәд мәнтәгәсиндәки Гәндһар полис бөлмәсинин ҝирәҹәјиндә партладыб. Даһа сонра 4 азғын сәләфи јараглысы автомат силаһлардан атәш ачараг полис бөлмәсинин ичәрисинә сохулублар.
Әфганыстан Дөвләтинин сөзчүсү Сәмим Хәпалвак һадисә илә бағлы вердији ачыгламада билдириб ки, террор һадисәси заманы бир полис әмәкдашы вә дөрд мүлки вәтәндаш һәлак олублар.
Сәмим Хәпалвак даһа сонра билдириб: “Гаршыдурма ики саат давам етдикдән сонра полис гүввәләри јараглылары мәһв едибләр.”
Гејд едәк ки, Әфганыстанын ҹәнуб бөлҝәси олан Гәндһар әјаләти Талибан јараглыларынын әсас стратежи мәркәзи сајылыр. Белә ки, 1990-ҹы илдә ССРИ силаһлы гүввәләринин Әфганыстандан чыхмасы илә, коминистләрә гаршы дөјүшән “Мүҹаһидләр” адлы силаһлы груплашмаларын фәалијјәти дондурулараг, јеринә Пакистанда узун илләр вәһһаби тәһсили алан Талибан адлы террор тәшкилаты Гәндһарда мөвҹудлуғуну елан етди. Талибан јараглылары даһа сонра сүрәтлә Әфганыстаны бүрүјәрәк өлкәдә мүртәҹе сәләфи режимини јүз минләрлә ҝүнаһсыз инсанларын ганы баһасына бәрпа етдиләр. Нәһајәт 2001-ҹи илдә, АБШ вә мүттәфигләринин Әфганыстаны ишғал етмәкләринин ардынҹа Талибан террор тәшкилаты әбәди олараг тарихин зибил габына тулланылды.
Диггәт: Хәбәрдән истифадә етдикдә мәнбәјә истинад лазымдыр
