Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, һәбсдә олан руһани Абҝүл Сүлејманов һагда Гарадағ Рајон Мәһкәмәсинин чыхардығы гәрардан апеллјасија шикајәти вериләҹәк.
Вәкилләрин гәнаәтинә ҝөрә, 13 сајлы Ҹәзачәкмә Мүәссисәсинин рәиси мәһбуса гаршы гәрәзли мөвге нүмајиш етдириб.
Декабрын 5-дә Гарадағ Рајон Мәһкәмәси 13 сајлы Ҹәзачәкмә Мүәссисәси рәһбәринин тәгдиматы илә Абҝүл Сүлејмановун 1 ил мүддәтинә Гобустан гапалы һәбсханасына ҝөндәрилмәси һагда гәрар чыхарыб. Сәбәб кими мәһбусун һәбсханадахили низам-интизам гајдаларыны позмасы ҝөстәрилиб.
Вәкил Заман Сәмәдов дејиб ки, Гарадағ Рајон Мәһкәмәсинин гәрарыны алдыгдан сонра диҝәр вәкил Ҹавад Ҹавадовла бирҝә мүзакирә едиб шикајәт верәҹәкләр: “Һәбсхана рәисинин тәгдиматында дејилир ки, ҝуја Абҝүл Сүлејманов сентјабрын 9-дан мүнтәзәм олараг низам-интизам гајдаларыны кобуд сурәтдә позуб. Һалбуки о вахта гәдәр Абҝүл Сүлејмановдан һеч бир шикајәт олмајыб. Неҹә олду ки, бирдән-бирә низам-интизам гајдаларыны позмаға башлады? Гыса заман кәсијиндә Абҝүл Сүлејманова 3 дәфә карсер ҹәзасы верилиб. Һесаб едирик ки, рәһбәрлијин Абҝүл Сүлејманова гаршы бу ҹүр гәфил ҹәза тәдбирләри ҝөрмәјә башламасы гәрәзли мүнасибәтин ифадәсидир”.
Абҝүл Сүлејманов 2011-ҹи илин август ајында шәрләнәрәк һәбс олунуб. Бакы Ағыр Ҹинајәтләр Мәһкәмәси ону 11 ил мүддәтинә азадлыгдан мәһрум едиб. Бакы Апеллјасија Мәһкәмәси 23 јанвар 2013-ҹү ил гәрары илә һөкмү гүввәдә сахлајыб. Абҝүл Сүлејманов өтән ил дә Гарадағ Рајон Мәһкәмәсинин гәрары илә 6 ај мүддәтинә Гобустан гапалы тәҹридханасында сахланыб.
Диггәт: Хәбәрдән истифадә етдикдә мәнбәјә истинад лазымдыр
