Мисли ҝөрүнмәмиш дәләдузлуг: 473 машыны террорчулара сатды

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Түркиjәдә мүхтәлиф ширкәтләрдән кираjәjә ҝөтүрдүjү лүкс "4х4 Пикап"лары Суриjаjа кечирәрәк ИШИД-ә сатдығы иддиа едилән Һәсән Сәид Јүксәлбашын сәрбәст галмасы зәрәрчәкмишләрин етиразына сәбәб олуб.
Түркиjә мәтбуатына истинадән хәбәр верир ки, лимандакы ишләринин jахшы ҝетдиjини, она ҝөрә дә чох саjда пикап машына еһтиjаҹынын олдуғуну билдирән Јүксекбаш фирмалардан иҹарәjә "Тоjота Һилух", "Волксwаҝен Амарок", "Митсубисһи Л 200", "ЫСУЗУ Д Мах" вә "Ниссан Навара" кими лүкс автомобилләр истәjиб.
О, бу автомобилләри аjда 2-3 мин түрк лирәси өдәмәк үзрә анлашма имзалаjыб. Лакин Јүксекбашын башчылыг етдиjи дәстәнин автомобилләри Суриjаjа ҝөндәрдиjи  вә 5-7 мин доллара ИШИД гүввәләринә сатдығы ортаjа чыхыб. Автомобилләрин Суриjадакы мүхалиф груплара сатылдығыны  өjрәнән ширкәт саһибләри мүхтәлиф шәһәрләрдә прокурорлуға шикаjәт едибләр.
Һазырда 473 әдәд пикапын агибәти арашдырылыр.
Түркиjәнин "Миллиjjәт" гәзетинин мүхбири Ҝөкһан Каракашын вердиjи хәбәрә ҝөрә, тәгсирләндирилән шәхс зәрәрчәкәнләр тәрәфиндән jахаланыб вә полисә тәслим едилиб. Анҹаг експертизаjа бармаг изи вермәк үчүн ҝетдиjи заман гачыб. Буна ҝөрә 3 полис ишдән азад едилиб.
Ширкәт рәһбәрләриндән бири - Бүләнт Улашоғлу Јүксәлбашын һәбс олунмамасыны тәәссүф һисси илә гаршыладығыны деjиб: "10 дәнә машынымын агибәтини арашдырмаг үчүн өлүм тәһлүкәсини ҝөзә алараг Суриjаjа ҝетдим. Анҹаг машынларымызы апаран шәхс һаггында бу гәдәр шикаjәт олмасына бахмаjараг, сәрбәст галды".
Диггәт: Хәбәрдән истифадә етдикдә мәнбәjә истинад лазымдыр