"Гарабағ мәсәләсинин һәллиндә Иранын һимаjәләрини һисс едирик"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Азәрбаjҹан Республикасынын Ирандакы сәфири деjиб : Биз Гарабағ мүнагишәсинин һәлли илә бағлы Иранын һимаjәләрини һисс едирик
Ҹаваншир Ахундзадә Меһр хәбәр аҝентлиjи илә  мүсаһибәдә бәjан едиб : "Президент Илһам Әлиjевин иранлы һәмкары илә кечирдиjи мәтбуат конфрансында бәjан едилдиjи кими биз Гарабағ конфиликтинин һәллиндә Иранын һимаjәләрини һисс едирик вә Иранын мөвгеjи беjнәлхалг һүгуг вә әдаләт принсипләри әсасындадыр".
Сәфир мүсаһибәсинин диҝәр бир һиссәсиндә Иран президенти Һәсән Руһанинин Бакы сәфәринә ишарә едәрәк деjиб : Президент Һәсән Руһани бу сәфәр чәрчивәсиндә вурғуламышдыр : Иран вә Аз.Р халглары  ики ҹисмдә олан бир руһ кими jерләшиб. Әҝәр инсанларын мүһүм һәjат һиссәләриндән бири мәдәниjjәт олса , онда демәк олар ки, бу ики өлкә вә онларын халглары бирдир. Дин вә мәзһәбләри еjнидир. Мүштәрәк тарих вә кечмишә малик олуб бир-бирләринин дә мәдәниjjәтләриндән аҝаһдырлар. Рәфтарлары вә һәjат тәрзләриндә мөвҹуд ортаглыглар ики өлкә халглары мүнасибәтләринин мөһкәмләндирмәси үчүн фүрсәт jарадыр. Онлар бу фүрсәтдән jарарланмалыдырлар.
Диггәт: Хәбәрдән истифадә етдикдә мәнбәjә истинад лазымдыр