Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, танынмыш илаһијјатчы алим, виҹдан мәһбусу Тале Бағыровун Гарадағ рајон Мәһкәмәсиндә кечирилән мәһкәмә просеси баша чатыб.
Мәһкәмә заманы Тале Бағыровун 8 ај мүддәтинә Гобустан гапалы һәбсханасына көчүрүләҹәји гәрары верилиб. Бу барәдә илаһијјатчынын вәкили Анар Гасымлы билдириб. Вәкил әлавә едиб ки, буна сәбәб кими Тале Бағыровун дахили гајда-ганунлары позмасы вә ардыҹыл карсерә салынмасы ҝөстәрилиб.
Виҹдан мәһбусу Тале Бағыров буна гәдәр 12 сајлы Ҹәзчәкмә Мүәссисәсиндә карсерә салынмышды. Һәбсхананын ваһид форма ҝејиминә риајәт етмәмәси бәһанәси илә Тале Бағыров 1 ај карсердә сахланылмышды.
Гејд едәк ки, бир нечә ҝүн бундан өнҹә Апеллјасија Мәһкәмәси диҝәр виҹдан мәһбусу олан АИП лидери Мөвсүм Сәмәдовун Гобустан һәбсханасына ҝөндәрилмәси илә бағлы вердији шикајәти тәмин еләмәмишди. Талеһ Бағыров Мөвсүм Сәмәдовдан сонра икинҹи руһанидир ки, барәсиндә Гобустана ҝөндәрилмә барәдә гәрар верилир.
Диггәт: Хәбәрдән истифадә етдикдә мәнбәјә истинад лазымдыр
