Әһли Бејт (әлејһимус сәлам) -АБНА- Хәбәр Аҝентлији- Хәстәликләрин ҝәздији сојуг мөвсүмләрдә нә јемәк, неҹә давранмаг лазымдыр ки, сојугламајаг?
Сојуг мөвсүмдә хәстәликләрдән горунмаг үчүн бәзи мәсләһәтләри тәгдим едирик:
Иммунитети мөһкәмләндирмәк
Илк нөвбәдә, иммунитети мөһкәмләндирмәк лазымдыр. Ән јахшы үсул исә чимәркән исти-сојуг су контрасты илә бәдәни бәркитмәк вә идмандыр.
Баланслыгидаланмаһаггындадаунутмаголмаз. Организм лазыми мигдарда карбоһидроҝен, зүлал вә јағ гәбул етмәлидир. Ајларла сојудуҹуда галмыш мәһсулларданса јерли истеһсал олан гидалара етибар етмәк даһа фајдалыдыр. Чипси, конфет вә диҝәр мәһсуллардан имтина етмәк лазымдыр. Мејвә вә тәрәвәзләрдән даһа чох истифадә един. Ијли олдуғу үчүн сармысаг вә соған кими тәрәвәзләрдән имтина етмәјин.
Вируслардан горунмаг
Елементар ҝиҝијена гајдаларына әмәл етмәк ҝәрәкдир. Һәр дәфә әлләри јумағы унутмаг олмаз. Бундан башга, инсанларын чох олдуглары јерләрдә маскалардан истифадә един. Аптекләрдән бирдәфәлик истифадә үчүн маскалар алмаг олар.
Әҝәр евдә хәстә варса
Евдә киминсә сојугдәјмәси варса, хәстәлијин сизә јолухмамасы үчүн бәзи тәдбирләр ҝөрмәлисиниз. Хәстә олан евдә һаваны ҝүндә ән азы 3-4 дәфә тәмизләмәк лазымдыр. Бунун үчүн пәнҹәрәләри 5-10 дәгигәлик ачыг сахламаг кифајәт едир. Хәстәнин јанында маска илә ҝәзмәк олар. Хәстә илә ејни габы гәтијјән истифадә етмәјин.
Диггәт: Хәбәрдән истифадә етдикдә мәнбәјә истинад лазымдыр
