Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сионист гүввәләри тәрәфиндән тәсис едилән гондарма “Ираг вә Шам Ислам Дөвләти” адлы террорчу груплашмасына гошулмаг үчүн Суријаја кечмәјә ҹәһд едән 4 Азәрбајҹан вәтәндашы Түркијәнин Килис бөлҝәсиндә сахланылыб.
Килис полиси үмумиликдә 22 нәфәрдән ибарәт олан групун рајонун Сурија илә сәрһәд олан Ашағы Бәјләрбәји кәндиндән сәрһәди кечмәјә ҹәһд ҝөстәрмәси барәдә мәлумат алыб. Сахланыланларын паспортлары јохланыларкән, онлардан 4-нүн азәрбајҹанлы бир аиләнин үзвләри олдуглары ортаја чыхыб.
Сахланыланлар депортасија едилмәк үчүн рајон полис идарәсинин хариҹиләрлә иш шөбәсинә тәһвил верилибләр. Һазырда онларын Азәрбајҹана ҝөндәрилмәләри истигамәтиндә иш апарылыр.
Азәрбајҹанын Истанбулдакы баш консулу Һәсән Зејналов да сахланыланларын азәрбајҹанлы бир аиләнин үзвләри олдуғуну ББҸ-нин Азәрбајҹан хидмәтинә тәсдигләјиб.
Һ. Зејналов дејиб ки, Түркијә полиси консуллуғу бу барәдә мәлуматландырыб, лакин сахланыланларын сәнәдләрилә бағлы проблем олмадығы үчүн бу ишлә консуллуг мәшғул олмур.
Баш консул дејиб ки, сахланылан шәхсләрлә бағлы ҝәләҹәк тәдбирләр Азәрбајҹандакы арашдырмалардан сонра бәлли олаҹаг.
Гејд едәк ки, Суријаја инсан өлдүрмәјә ҝедән гансыз азәрбајҹанлы вәһһабиләр ана, баҹы вә арвадларыны да “Никаһ Ҹиһады” ады алтында ЗИНА јолу илә Сурија вә Ирага дырнагарасы “мүҹаһидләрин” интим еһтијаҹларыны өдәмәк мәгсәди илә апарырлар.
Диггәт: Хәбәрдән истифадә етдикдә мәнбәјә истинад лазымдыр
