Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ҝәнҹә шәһәриндә Шаһ Аббас Ҹүмә Мәсҹидиндә гаршыдурма баш вериб. Гаршыдурма Мәсҹидә топлашан диндарларын Ашура мәрасими илә бағлы Имам Һүсејн (әлејһи сәлам) мәҹлиси кечиримәси заманы олуб.
Инанҹлы кәсимин нүмајәндәләри Шаһ Аббас Ҹүмә Мәсҹидинин һәјәтиндә топлашараг әзадарлыг едәркән, полис гүввәләри Мәсҹидә ҝәләрәк, ҹамаатдан Мәсҹидин һәјәтини бошалтмаларыны вә һәр кәсин Мәсҹидин ичинә ҝирмәләрини истәјибләр.
Бу заман ҹамаатла полис гүввәләри арасында гыса мүддәтли мүнагишә баш вериб.
Сакинләрин вердији мәлумата ҝөрә, Ҝәнҹә шәһәриндә сон заманларда диндарлара гаршы тәзјигләр едилир:
“Сон бир нечә илдә мәсҹидләрә, диндарлара нәзарәт артыб. Мәсҹидләрә мүәјјән гадағалар гојулур. Бир нечә ил бундан өнҹәјә гәдәр полисләрин мүшајәти алтында Ашура ҝүнү илә бағлы тасуа јүрүшү едилирди. Инди она да гадаға гојулуб”.
Диггәт: Хәбәрдән истифадә етдикдә мәнбәјә истинад лазымдыр
