Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Түркијә үзәриндән Суријаја кечән гондарма “Ираг вә Шам Ислам Дөвләти” (ИШИД) адлы јараглылар бир ајдан чохдур ганлы дөјүшләрин ҝетдији Ејнул Әрәб (Кобани) шәһәринә нәзарәти әлә кечирмәк үчүн һүҹумлары шиддәтләндириб.
Белә ки, бир баша Түркијә МИТ-и тәрәфиндән бејнәлхалг сионист гүввәләрин дәстәки илә јарадылмыш гондарма “ИШИД” јараглылары Түркијә илә сәрһәддәки Муршитпынар сәрһәд-кечид мәнтәгәсинә нәзарәти әлә кечирмәклә Кобанини там мүһасирәјә алмаг үчүн һүҹумлары бу нөгтәјә јөнәлдиб.
Бунун үчүн Аллаһсыз “ИШИД” террорчулары Азәрбајҹан, Чеченистан вә Өзбәкистандан чохлу сајда пешәкар снајперчиләр ҝәтиздирәрәк, онларын көмәји илә Кобани шәһәрини мүдафиә едән дөјүшчүләрин мөвгеләрини мүнтәзәм атәш алтында сахлајыр.
Лакин бүтүн бунларла белә, Ејнул Әрәб шәһәринин мүдафиәчиләри јараглылара ағыр зәрбәләр ендирәрәк, террорчулара чохлу сајда иткиләр верб. Белә ки, өтән ҝүн Кобанидә илк дәфә гондарма “ИШИД” адлы террорчу груплашманын мөвгеләринә реактив артиллерија системләриндән атәш ачылыб, азы 15 террорчунун өлдүјү хәбәр верилир. Онларын арасында гондарма ИШИД-ин Сәудијјә Әрәбистанындан олан јүксәк рүтбәли командири дә вар.
Диггәт: Хәбәрдән истифадә етдикдә мәнбәјә истинад лазымдыр
