Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бүтүн дүнјада олдуғу кими Мәһәррәм вә Сәфәр ајлары илә бағлы әзадарлыг тәдбирләри Әһли Бејт (әлејһимус сәлам) дијары олан Азәрбајҹанда да мөһтәшәм гејд едилир.
Әлдә етдијимиз мәлумата ҝөрә, Мәһәррәм ајы дахил олан ҝүндән башлајараг һәр ҝеҹә Ләнкәран шәһәриндә Һүсејн (әлејһи сәлам) ашигләри Шам вә Хофтән намазларыны гылдыгдан сонра Мәсҹид вә Тәкјәләрдә кечирилән Имам Һүсејнин (әлејһи сәлам) матәм әзасына јығыр даһа сонра исә, хијабанларда јүрүшләр едирләр.
Һабелә Ләнкәран шәһәр вә рајонун әксәр Мәсҹид вә Тәкјәләриндә али савадлы Ислам Алимләри чыхышлар едәрәк Ашура һадисәсинин һәгигәтләрини динләјиҹиләрә чатдырырлар.
Билдирилир ки, Динин, Исламын, Тәгва вә Вәтәнә мәһәббәтин өнәмлијиндән сөз ачан Ислам Алимләри дүшмәнләрин ишғал алтында олан бүтүн Мүсәлман торпагларынын азад олунмасы үчүн дуалар едиб, Гарабағ, Ганлы 19 Јанвар Шәһидләринин Кәрбәла Шәһидләри илә мәшһур олмасыны диләјирләр.
Сосиал шәбәкәләрдән әлдә етдијимиз вә сизә тәгдим едәҹәјимиз ашағыдакы фотолар өтән ҝеҹә Ләнкәран шәһәринин Имам Һүсејн (әлејһи сәлам) Мәсҹидиндә кечирилән “Тасуа Ахшамы” мәрасиминә аиддир.
Мәрасимдә Һөҹҹәтүл Ислам Һаҹы Валеһ чыхыш едиб. Даһа сонра Әһли Бејт Мәддаһлары олан Кәрбәлајы Вүсал вә Тапдыг розә вә мәрсијәләр дејәрәк Мәсумларын гәми илә шәрик олублар.
Диггәт: Хәбәрдән истифадә етдикдә мәнбәјә истинад лазымдыр
