Әһли Бејт (әлејһимус сәлам) -АБНА- Хәбәр Аҝентлији- Зуһејр ибн Гәјн. Бу бөјүк Шәхсијјәт Пејғәбәрин сәһабәси, һәм дә мәһшур Кәрбәла шәһидләриндәндир. Билдијиниз кими Зуһејр, мәзһәб бахымындан Османчы сүнниләриндән иди. О заманкы сүннүләрин ән радикалы Османчы сүннүләрЫ олублар. Чүнки, онлар 3-ҹү хәлифә Османын гәтлиндә Һәзрәт Әлини (ә) сәбәбкар билиб вә О Һәзрәти иттиһам едирдиләр. Бу фиргә Османы шәһид билиб, онун севҝиси илә јашајырдырлар.
Зуһејр ешидәндә ки, Мәккдән Күфәјә ҝедән сәфәриндә, Имам Һусејн (ә) илә јол јолдашы олмаға мәҹбурдур, чалышдығы гәдәр Имам Һүсејндән (ә) мәсафә сахлајар, хејмәсини о Һәзрәтдән узагда гурурду. Амма бир дәфә суја еһтијаҹы олдуғу үчүн, Имам Һүсејнин (ә) хејмәсинин јахынлығында хејмә гурмаға мәҹбур олду. Имам Һусејн (ә) да фүрсәтдән истифадә едәрәк, үзүнү белә ҝөрмәк истәмәјән вә даима ондан гачан Зуһејрин јанына өз елчисин ҝөндәрәрәк, ону өз хејмәсинә дәвәт етди. Зуһејр Имамын чағырышына ҹаваб вермәк истәмәди. Амма онун һәјат јолдашы Мәлһәм бинти Әмрову үзүнү Зуһејрә тәрәф чевирәрәк, "Пејғәбәр вә Фатимә баласы сәни чағырыр, сән она ҹаваб вермирсән. Бу рәфтарындан утанмырсан? Дур ҝет Һүсејн ибн Әлинин һүзуруна" деди. Зуһејр белә дә едир. Зуһејрлә Имам Һусејн (ә) арасында олан диалог тарихдә дәгигликлә нәгл олунмаса да, ханымы нәгл едир ки, Зуһејр Имамын хејмәсиндән чыханда үзү ҝүлүрдү. Үзүнү мәнә тәрәф тутуб деди: "Мәлһәм сәни бошадым. Чүнки, истәмирәм мәнә ҝөрә чәтинлијә дүшәсән. Сонра өз әтрафинда олан Аиләсинә вә нөкәрләринә деди ки, һәр кәсин гәлбиндә шәһадәт севҝиси варса, мәнимлә ҝәлә биләр. Бу ҝөрүш мәним, сизинлә олан ахырынҹы ҝөрүшүмдү. Ханымы, әмиси оғлу вә гуламы ону тәк гојмадылар вә Имама гошулдулар. (Сөһбәт, Османчы сүннү олан бир шәхсдән ҝедир)
Ашура ҝеҹәси, Имам Һусејн (ә) шамлары сөндүрәрәк, "сиз истәјирсизсә ҝедә биләрсиз, бунларын иши мәнимләдир" деди.
Илк олараг Зуһејр ајаға галхыр вә дејир: Еј достлар сиз Әба-Әбдиллаһын ҹавабыны верирсиниз ја мәнә иҹазә верин ҹәм тәрәфиндән данышым. Әсһаб үзүнү Зүһејрә тутуб дедиләр: Сән даныш. Зүһејр белә чыхыш етди: "Еј Пејғәмбәр баласы, анд олсун Аллаһа, әҝәр дүнја һәјаты әбәди олса вә бу сознсуз һәјатдан ајрылмағын тәк јолу сәнинлә шәһид олмаг олса белә, һәтта 70 дәфә мәни өлдүрсәләр дә буна разы олардым.."
Зуһејр орада һәтта Беһешт вә саваб үчүн белә ҹиһада ҝәлмәдијини хатырлајараг, јалныз Имамы онун өзүнә ҝөрә мүдафиә етдијини бәјан едир.
Зуһејрин һәјатында мараглы мәгамлардан бири будур ки, Ашура ҝүнү Имам Һүсејн (ә) ону Језидин гошунуну һагга чатдырмаға ҝөндәрир. Амма Әзрәт ибн Гејс Зуһејрин сөзүнү кәсир вә дејир: Зуһејр, сән ки Османчи идин. Сән һара Һүсејн һара? Сән бурада нә ҝәзирсән? Зуһејр исә дејир: "Гејс, бурда олмағымдан бил ки, артыг Һүсејнчијәм! Гејс, мән сизн кими Имам Һүсејнә (ә) мәктуб јазыб, ону Куфәјә дәвәт едиб вә јар олаҹағыма даир сөз вермәмишдим. Садәҹә олараг Һүсејн (ә) илә јолда ҝөрүшдүм. О, Мәнә һәр шеји данышды вә сизин, онун башына ҝәтирәҹәкләринизи ачыглады. Мән дә гәрара ҝәлдим ки, онунла галым вә она јардымчы олум. Ону хејәмәдә ҝөрәндә, санки аләмләрә рәһмәт олан Муһәммәди (с) ҝөрдүм."
Бәли, Зуһејрин бу мәнтигли ҹавабы, әсл мүҹаһидлә дин либасы ҝејинмиш сахтакарлары ајырмаға көмәк едир.
Әзиз достлар, диггәт етмәк лазымдыр ки, Имам Һусејн (ә) бир Османчы сүнни, Әлијә (ә) кин бәсләјән бири илә неҹә давранды вә онун гәлбини әлә алараг фитрәтини неҹә паклады ки, һаггы ҝөрәрәк әсл Һүсејнчи олду вә шәһадәт мәгамына чатды.
Чох тәәссүф ки, тәбәрра (Аллаһ дүшмәнләри илә дүшмән олмаг) иддиасында оланлар, ону дәрк етмәјәрәк, Тәбәррани анҹаг диллә олдуғуну вә диҝәр әгидәнин саһибләрини, онларын мүгәддәс һесаб етдији шәхсләри ләнәтләмәк вә јахуд сөјмәклә олдуғуну тәблиғ едирләр. Һалбу ки, әсл тәбәрра, ләнәтә ҝәлмиш вә Аллаһын гәзәбинә дүчар олмуш шәхсләрин һәјатларыны мүталиә етмәк вә онларын бу әмәлләрини тәкрарламамагдыр. О әмәлләрдән бири дә Ислам аләминдә ихтилаф салмаға ҹәһд ҝөрсәтмәкдир. Имам Һусејн (ә) да бәзи сахтакар руһаниләр кими, сәһв јолда оланы һидајәт етмәји дејил, "тәбәрра" едәрәк онунла дөјүшсә, ону вә мүгәддәс һесаб етдији хәлифә Османы вә диҝәрләрини тәһгир едәрәк онунла мубаһисә етсәјди, нә һидајәт вә нә дә Имам Һусејнин (ә) гошунунда шәһид олҹагды. Әксинә, Језидин гошунунда зилләтә вә әбәди ҹәһәннәмә говушаҹагды.
Имам бу аддымла әсл дүшмәни Језид олдуғуну хатирладыр вә Језидин әлејһинә мүбаризә апармаг үчүн османи сүннү олан Зуһејр, Һүрр вә мәсиһи олан Вәһәблә әсл дүшмән Језидә гаршы бирләшмәк гәрарына ҝәлир.
Әсл шүҹаәт тв каналлар ачараг вә сосиал шәбәкәләрдә диҝәр мәзһәбләрә, мүгәддәсләрини сөјмәк вә онлары ләнәтәмәк дејил. Бу ҝеризәкалылыгдыр. Әсл шүҹаәт, узагҝөрәнликлә вә пејғмбәрсајағы әмр бе мәруф илә, сионизмә гаршы Зуһејрләр, Һүррләр вә Әбу Вәһәбләр јетишдирмәкдир. Вәлијји фәгиһ Ајәтуллаһ Хаменеи вә диҝәр узагҝөрән, бәсирәтли даһи дин алимләри буна наил олублар. Биз бу реаллығы Ираг, Сурија, Јәмән вә.с өлкәләрдә мүшаһидә едә биләрик. Вәһһабиләрин Ирага сон тәҹавүзү заманы, Вәлијји фәгиһин мәтинлији, узагҝөрәнлији вә ордусу, Ајәтуллаһ Систанинин исә вахтында вердији фәтва олмасајды, Ираг артыг ишғал олунмуш, халг талан едилмиш вә мүгәддәсләрин мәзарлары тәһгир олунмушдур. Вә һамыја мәлумдур ки, бу һадисәдә сүнниләр вә шиәләр бирләшәрәк вәһһабиләрә гаршы бирҝә мүбаризә апармышдыр. Ҝөрәсән сүнниләри сөјмәклә вә әгидәләрини тәһгир етмәклә буна наил олмаг олардымы? Бәли, үммәтин проблемләри бәзи дардүшүнҹәлиләрә галсајды, инди диндән әсәр-әламәт галмамышды. Бунун үчүн дә бәсирәтли дин алимләримиз үчүн, Аллаһа шүкүр сәҹдәси етмәјә дәјәр!
Бәзи сахтакарлар әлләринә микрафон алыб сүнниләри сөјәркән, һәмин сүнниләр, шиәләрлә чијин-чијинә сионизмә вә онларын реҝиондакы гуллары олан вәһһабиләрә гаршы вурушур, шәһид олур вә гәләбә чалырлар. Бәзиләри шиә либасы ҝејиниб АБШ-да, Инҝилтәрәдә вә бәзән дә ислам өлкәләриндә раһатлыгла фитнә јарадаркән сүнниләр, шиә мүгәддәсләринин пак мәзарларыны горујур вә бу јолда шәһид олурлар?
Һәгиги дин алимләринин узагҝөрәнликлә һәјата кечирдији сағлам сијасәт, артыг сионизмин дизини јерә ҝәтирмишдир. Бунун үчүн дә мүсәлманларын ән үмдә вәзифәси, ихтилафлары габардыб фитнәјә чевирмәдән вә мүштәрәк мәнафеләрдә бирләшәрәк, бәшәријјәтин дүшмәни олан сионизмә гаршы чијин-чијинә бирләшмәкдир.
Аллаһ шаһиддир ки, бу мәгаләни јазмагда әсас мәгсәдим, инадкар олмајан вә сағлам дүшүнҹәјә саһиб олан гардаш бә баҹылары, ибрәт долу Кәрбәла мәктәбинин бизә вердији дәрсләр барәсиндә тәфәккүрә дәвәт етмәкдир.
Әзизләр, ҝәлин әсл Һүсејнчи олан Рәһбәрин әтрафинда бирләшәк вә ваһид дүшмәнә гаршы, сионизмә гаршы гејри шиә инсанлардан Зуһејрләр, Һүррләр, Вәһәбләр вә Имам Замана һәгиги әсҝәрләр јетишдирәк.
Аллаһ бизи һәгиги Һүсејнчиләрдән гәрар версин иншаллаһ!
Тоһид Ибраһимбәјли
PS: Сонда исә бүтүн достлардан хаһиш едирәм ки, ашағыдакы гыса видео чархлара диггәтлә нәзәр јетирсинләр.
http://www.youtube.com/watch?v=qKBX-mfRlQs&list=UUaX0Ibq0deBuH1kLLnzTvDA
http://www.youtube.com/watch?v=yZdpfOFxtfo&list=UUaX0Ibq0deBuH1kLLnzTvDA
http://www.youtube.com/watch?v=6iv7PvZBm4g&list=UUaX0Ibq0deBuH1kLLnzTvDA
http://www.youtube.com/watch?v=nieHUW40bvc&list=UUaX0Ibq0deBuH1kLLnzTvDA
http://www.youtube.com/watch?v=ejjisus7-8o&list=UUaX0Ibq0deBuH1kLLnzTvDA
http://www.youtube.com/watch?v=ejjisus7-8o
Диггәт: Хәбәрдән истифадә етдикдә мәнбәјә истинад лазымдыр
